Rɔmɛnje 6:16 - Dɔnɔn kə̂ Siki: Tar kə̂ aw arə təbbə

¹⁶ Ə-gərəje ang wa? Bbo unnje rɔse to bbərə lə marə dəw ta koo tɛɛ̂ a, ə-ddeeje to bbərə lə dəw kə̂ aw ooje tɛɛ̂ le. Ddəw kâra baa, bbo unnje rɔse ilaje majang tə̂ a, majang le a kaw kə se karə oyje. A bbo unnje rɔse ta koo ta Lubba a, Lubba a dda karə ə-ddeeje to dəwje kə̂ gatə gatə.

Rɔmɛnje 6:16 Iomraidhean Croise

Matiye 20:4

N̂-pa narəde nan: ‹Aw ddaje kula ndɔɔ binyə tə̂ ləm ta mâ kukase kə dɔgɔlɛ̂.›

Matiye 6:24

«Dəw kâra, asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra. Wase nâ kunn rɔɛ̂ karə marɛ̂ kâra, a nâ mbətə marɛ̂ kâra. A kasəje ta dda bbərə lə Lubba ddəm narɛ ddəm ang.»

Tar kə̂ Maji kə̂ Jan dda makəturu tə̂ 8:34

Jeju ilade tə̂ nan: «Tɔkɔrɔ, m-pa marəse, dəwje kə̂ naynje mə nɛ̂n-dda tə̂ kə̂ maji ang toje to bbərəje lə nɛ̂n-dda kə̂ maji ang le.

Rɔmɛnje 11:2

Lubba turu gire arə dəwje laa kə̂ ne njaa n̂-mbərəde ləw baa le ang. Oleje məse dɔ nɔn tə̂ kə̂ Eli nɔn rɔɛ̂ mba Ijarayɛl kə̂ n̂-dda tarɛ̂ Makəturu tə̂ lə Lubba le wa? N̂-pa nan:

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

1 Kɔrɛntinyɛje 5:6

Kɔsu gaji rɔ ləse le maji ang. Ə-gərəje to wum kə̂ tɛn baa dda arə nduju kə̂ n̂-bɔkɔlɔ in ang wa?

1 Kɔrɛntinyɛje 6:2

Ə-gərəje to njê-mə-kunnje a gangəje sariya dɔ dəwje tə̂ kə̂ duninya tə̂ nəənn ang wa? Bbo sese â, â gangəje sariya dɔ dəwje tə̂ kə̂ duninya tə̂ nəənn a, asəje ta gangə sariya ngann tarje kə̂ ture goto tɔ ang wa?

1 Kɔrɛntinyɛje 6:3

Ə-gərəje to ja gangəje sariya dɔ anjəje tə̂ ang wa? Yeenn a, tar gangə sariya ngann tarje kə̂ horose tə̂ a nyase wa?

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

1 Kɔrɛntinyɛje 9:13

Ə-gərəje kə majɛ̂ to dəwje kə̂ aw ddaje kula mə kəy-polo Lubba tə̂ ingaje nɛ̂n-kusa ləde ddəw kula tə̂ənn le njaa. Dede kə̂ daw darəje nɛ̂n-polo Lubba dɔ bann tə̂, dingaje dəbbə nɛ̂n kə̂ daw poloje nɛ̂n Lubba le to nɛ̂n-kusa ləde.

1 Kɔrɛntinyɛje 9:24

Ə-gərəje kə majɛ̂ to, horo dəwje tə̂ tɔyn kə̂ aw aynje ngɔru natâ mba kuta nɛ̂n naan, dəw kâra baa â a kinga kuka. Yeenn a, aynje ngɔru kə gusu kə̂ â kingaje nɛ̂n kuka.

2 Piyɛr 2:19

ngaâ dunnje ndude darə dəwje le nan, dâ kɔrujede kɔ bbərə tə̂. A dede njaa kara n̂-toje to bbərəje lə bboje kə̂ da-rɔ tə̂ kə̂ aw tuju dəwje. Mba dəw kâra kâra to bbərə lə nɛ̂n kə̂ bboe uta dɔɛ̂.