Rɔmɛnje 6:10 - Dɔnɔn kə̂ Siki: Tar kə̂ aw arə təbbə

¹⁰ Koy kə̂ noy le noy gɔl kâra baa njaa a bbayɛ̂, ta tee kə dəwje mə bbərə tə̂ lə majang kə ddang. A bbasinɛn kə̂ nisi kəm baa le nisi kəm baa mba Lubba.

Rɔmɛnje 6:10 Iomraidhean Croise

Luku 20:38

Lubba to Lubba lə dəwje kə̂ oyje ang, n̂-to Lubba lə dəwje kə̂ isije kəm baa, mba dəwje tɔyn isije kəm baa kəm Lubba tə̂.»

Rɔmɛnje 6:11

Yeenn a, sese njaa kara maji karə ooje rɔse to oyje mban arə majang ubba singa dɔse tə̂ ang ngaa, isije kəm baa mba Lubba ddəw tə̂ lə Jeju-Kristə.

Rɔmɛnje 6:9

Mba n-gərəje tɔ to, Kristə kə̂ oy ngaâ ndol mban le a təl koy ang ngaa. Yo ubba singa dɔɛ̂ tə̂ ang ngaa.

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

2 Kɔrɛntinyɛje 5:15

Noy mba dəwje tɔyn bba karə dəwje kə̂ isije kəm baa, isije kəm baa mba tar ləde njaa ang, a disije kəm baa mba dəw kə̂ oy ngaâ ndol mbade.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Piyɛr 4:6

Mba yeenn bba, dəwje kə̂ oyje kara dila mbər Tar kə̂ Maji darəde. Baann bba karə dede kə̂ n̂-gangə sariya dɔde tə̂ mba kula-ddade tokə kəsə dəwje tɔyn le, disije tokə ye kə̂ Lubba ndiki, ddəw tə̂ lə Ndil-mə-nda.