Rɔmɛnje 5:2 - Dɔnɔn kə̂ Siki: Tar kə̂ aw arə təbbə

² Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 5:2 Iomraidhean Croise

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Tar kə̂ Maji kə̂ Jan dda makəturu tə̂ 10:7

Jeju təl pa bbay nan: «Tɔkɔrɔ njaa, m-pa marəse: M-to ta-ddəw singa lə batəje.

Tar kə̂ Maji kə̂ Jan dda makəturu tə̂ 10:9

M-to ta-ddəw. Dəw kə̂ andə kə ta-ddəw kə̂ to əman le a, a kinga kaji. Nâ kandə, nâ tee ngaâ nâ kinga nɛ̂n-kusa.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Kulaje 14:27

Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.

Rɔmɛnje 11:20

Dɔgɔlɛ̂ njaa. Lubba tuka barkəmde mba dooje məde tə̂ saa ang, a əi ə-nayn aw tinya kakə tə̂ le mba oo məi tə̂ kə Lubba le. Yeenn a, maji karə bbəəl â ə-bbəəl bbo unda gui ang.

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 14:4

Əi kə̂ aw gangə sariya dɔ nje-kula tə̂ lə marə dəw nəənn le, ə-to nân wa? Bbo nje-kula le nayn aw dda kula kə majɛ̂ bbay wase n̂-dda kə majɛ̂ ang kara, to tar lə əbbeeje njaa. A nâ dda kə majɛ̂ njaa, mba Əbbə-dəwje ee kə singa ta dda karə n̂-dda kə majɛ̂.

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 3:23

Dəwje tɔyn ddaje majang arə dasəje piti lə Lubba ang.

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:24

Mba Lubba ajije njaa, arə jaw jundaje məje dɔɛ̂ tə̂. A bbo dəw oo nɛ̂n kə̂ naw nunda məɛ̂ dɔɛ̂ tə̂ kə kəmɛ̂ mban a, nâ təl kunda məɛ̂ dɔɛ̂ tə̂ to kunda ang ngaa. Nân bba a kunda məɛ̂ dɔ nɛ̂n tə̂ kə̂ noo kə kəmɛ̂ mban wa?

1 Kɔrɛntinyɛje 15:1

Ngakɔnʼmje, m-ndiki ta kole məse dɔ Tar tə̂ kə̂ Maji kə̂ mila mbəre marəse ngaâ ə-taaje, aw uwaje arə ngəng le.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Epɛjinyɛje 2:18

Mba ddəw tə̂ lə Kristə le â jeje tɔyn ja kasəje ta ddee nɔn Bɔjeje Lubba tə̂, ddəw tə̂ lə Ndil-mə-nda kə̂ kâra baa le.

Epɛjinyɛje 3:12

Ddəw məje tə̂ kə̂ junnje jarəje Jeju-Kristə ngaâ n-ddaje mə-kâra saa le jingaje ddəw ta ddee ngɔsi kə Lubba kə bbəəl ang.

Epɛjinyɛje 6:13

Mba yeenn bba, maji karə otoje nɛ̂n-ddɔje lə Lubba tɔyn. Baann bba, bbo ndɔ kə̂ maji ang tee a, â kasəje ta maan gɔlse nangə̂ nɔn nje-baan tə̂ le karə ngəng ngaâ bbo ə-ddaje ddɔ le ndərəng ə-teeje nɛ̂n a, â naynje dɔ gɔlse tə̂.

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

Apokalisi 21:11

Ndoko lə Lubba dda arə Jerujalɛm le ndɔnrɛn. Ndɔnrɛn laa le tokə ndɔnrɛn lə kɔr ər kə̂ gatɛ̂ ngəng kə lə kɔr ər kə̂ ria nan jaspə kə̂ arɛ yərərə.

Apokalisi 21:23

Bbe le aw ndiki karə kar ɔsu wase karə nɛyn nda bba karə məɛ̂ ndoko ang. Mba ndoko lə Lubba â aw dda arə məɛ̂ aw ndoko ngaâ Ngonn batə le â to lambe kə̂ mə tɔkə bbe tə̂ le.

Apokalisi 21:3

Moo ndu bbar kə singa ngende-mbay tə̂ le nan: «Bbasinɛn, kəy lə Lubba to horo dəwje tə̂ ngaa. Nâ dda bbe kə̂ de ngaâ dâ toje to dəwje laa. Ne Lubba njaa nâ kisi kə de ngaâ nâ to Lubba ləde.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.