Rɔmɛnje 5:15 - Dɔnɔn kə̂ Siki: Tar kə̂ aw arə təbbə

¹⁵ A mə-maji kə̂ Lubba dda to nɛ̂n-karə-baa kə̂ to dang kə nɛ̂n kə̂ to kə dɔgɔlɛ̂ ang kə̂ Adam dda. Tɔkɔrɔ, dəwje nya oyje mba majang kə̂ dəw kə̂ kâra baa nəənn dda le. A nɛ̂n kə̂ bo uta nya to mə-maji kə̂ Lubba dda kə dəwje ngaâ arəde nɛ̂n baa ddəw tə̂ lə dəw kâra kə̂ to Jeju-Kristə.

Rɔmɛnje 5:15 Iomraidhean Croise

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Kulaje 15:11

A, n-gərə tɔ to ddəw mə-maji tə̂ lə Əbbə-dəwje Jeju â junda məje to Lubba aji nɛ̂n je tokə najide le.»

Rɔmɛnje 5:12

Majang ddee duninya tə̂ ddəw tə̂ lə dəw kâra kə̂ ria nan Adam. Ngaâ majang le ddee kə yo. Yeenn bba yo aw tɔl dəwje tɔyn, mba dəwje tɔyn ddaje majang.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

2 Kɔrɛntinyɛje 5:14

Mba n-gərə to Kristə ndikije nya, jeje kə̂ n-gərə to dəw kâra baa kə̂ to Kristə le oy mba dəwje tɔyn, yeenn a, dəwje tɔyn oyje tɔ.

2 Kɔrɛntinyɛje 9:15

Maji karə jarəje wooyo Lubba mba narəje nɛ̂n kə̂ garɛ̂ goto!

Epɛjinyɛje 2:8

Mə-maji lə Lubba â aji nɛ̂n se ddəw koo kə̂ ooje məse tə̂ saa, bbo ə-ddaje marə nɛ̂n kâra mbɛɛ̂ ang. To nɛ̂n kə̂ Lubba arəse baa.

Ebərəje 2:9

A nɛ̂n kə̂ joo â nəənn: Jeju le Lubba dda arə n̂-ddee to dəw kə̂ ta-gɔl anjəje tə̂ mba gɔju kar bba karə ddəw mə-maji tə̂ lə Lubba noy mba dəwje tɔyn. Yeenn ngaâ bbasinɛn ninga piti kə kɔsu gaji mba koy kə̂ noy le.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 5:11

Tar-naji le tokə be: Lubba arəje təbbə kə̂ to kə ndɔ kə ndɔ ngaâ təbbə le to rɔ Ngonnɛ̂ tə̂.