Rɔmɛnje 4:6 - Dɔnɔn kə̂ Siki: Tar kə̂ aw arə təbbə

⁶ Ddəw kâra baa, Dabbiti piti rɔ-nəəl lə dəw kə̂ Lubba ooe to dəw kə̂ gatə gatə, a aa lo kə kula-ddɛɛ̂ tə̂ ang. N̂-pa nan:

Rɔmɛnje 4:6 Iomraidhean Croise

Matiye 25:19

Ndɔ nya goe tə̂ a, əbbə-njê-kulaje le təl ddee ngaâ unn kutu dujude karə n̂-tɔjɛ̂ nɛ̂n kə̂ n̂-ddaje kə narɛ laa le.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Rɔmɛnje 3:27

Yeenn a, marə nɛ̂n-kɔsu gaji rɔ to bbay wa? Nɛ̂n kâra goto. Mba ddi wa? Mba dda nɛ̂n kə turu Ndu arə ddəw dəw ta kunda gue ang. Nɛ̂n kə̂ ngəng â to mə-kunn.

Rɔmɛnje 4:11

Kete bba karə Abaraham uja ganja le, Lubba ooe to dəw kə̂ gatə gatə, mba noo məɛ̂ tə̂ saa. Goe tə̂ guku bba nuja ganja to marə əndaji kə̂ tɔju to Lubba ooe to dəw kə̂ gatə gatə ɔju dɔ mə-kunn laa. Mba yeenn bba, n̂-ddee nɛ̂n to bɔ dəwje tɔyn kə̂ ujaje ganja ang, a ooje məde tə̂. Lubba oode to dəwje kə̂ gatə gatə.

Rɔmɛnje 4:24

Tar le to mba jeje tɔ, jeje kə̂ Lubba ooje to dəwje kə̂ gatə gatə, mba jooje məje tə̂ kə Əbbəjeje Jeju kə̂ oy, a ndol le.

Rɔmɛnje 4:5

Bbo dəw kə̂ dda marə kula kâra ang unn məɛ̂ arə Lubba kə̂ aw dda arə nje-nɛ̂n-dda kə̂ maji ang ddee gatə gatə a, Lubba a koo mə-kunn laa ngaâ nâ ddee to dəw kə̂ gatə gatə.

Rɔmɛnje 4:7

Maji arəde, de dəwje kə̂ Lubba ɔru tar majang ləde dɔde tə̂, ngaâ ɔru majang ləde kə ddang.

Rɔmɛnje 4:9

Tar kisi maji le to mba dəwje kə̂ ujaje ganja kə karəde baa wase to mba dəwje kə̂ uja ganja ang tɔ wa? Mba n-paje nan ddəw mə-kunn tə̂ lə Abaraham â Lubba ooe nɛ̂n to dəw kə̂ gatə gatə.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Galatəje 3:14

Baann bba karə tar kə̂ maji kə̂ Lubba bbar dɔ Abaraham tə̂ le ddee dɔ dəwje tə̂ kə̂ toje to Jiipije ang le ddəw tə̂ lə Jeju-Kristə. Ngaâ karə jingaje Ndil kə̂ Lubba unn ndue ta karə le ddəw mə-kunn tə̂.

Galatəje 4:15

Yeenn a, rɔ-nəəl ləse to dda wa? Mɔru naji ləse m-pa nan: Bbo ddəw kɔru kandə kəmse karəm to a le â kɔruje karəm.

Epɛjinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. Mba narəje gusuje lə Ndil kə̂ in darâ ddee ddəw mə-kâra tə̂ kə̂ n-ddaje kə Kristə.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

Jakə 2:18

Marə dəw a pa nan: «Əi, mə-kunn ləi to, a əman kulaje kə̂ m-dda to. Ə-tɔjum mə-kunn ləi kə̂ kulɛ̂ goto le, a əman mâ tɔji mə-kunn ləm ddəw kulaje tə̂ kə̂ m-dda.»

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.