Rɔmɛnje 4:18 - Dɔnɔn kə̂ Siki: Tar kə̂ aw arə təbbə

¹⁸ Abaraham le unda məɛ̂ dɔ Lubba tə̂ nyɔm. Noo məɛ̂ tə̂ ngaâ n̂-ddee to bɔ gəl-dəwje kə̂ banya nya tokə Lubba pa arɛ̂ nan: «Ngakai a banya tokə baann» le.

Rɔmɛnje 4:18 Iomraidhean Croise

Luku 1:18

Jakari pa arə anjə le nan: «Ddi â a tɔjum to tar nəənn to tar kə̂ tɔkɔrɔ wa? Mba m-to bbuka ngaâ bbal dɛnɛ̂n ləm nday nya tɔ.»

Kulaje 27:25

Yeenn a, uwaje arə ngəng, njê-buwa-kuraje ləm! Munda məm dɔ Lubba tə̂. Nâ dda nɛ̂n tokə n̂-pa narəm.

Rɔmɛnje 4:17

tokə Lubba pa tarɛ̂ Makəturu tə̂ laa nan: «Mundai to bɔ gəl-dəwje kə̂ banya.» Kəm Lubba tə̂ kə̂ noo məɛ̂ tə̂ saa le, Abaraham to bɔjeje. Lubba kə̂ arə təbbə dəwje kə̂ oyje ngaâ aw dda arə nɛ̂nje kə̂ toje ang bbay toje.

Rɔmɛnje 4:19

Bbal Abaraham aw ngɔsi kə kɔr kâra, a mə-kunn laa əngə ang. Noo rɔɛ̂ to dəw kə̂ oy mban ngaâ dɛnɛ̂n laa Sara aw katə.

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 8:24

Mba Lubba ajije njaa, arə jaw jundaje məje dɔɛ̂ tə̂. A bbo dəw oo nɛ̂n kə̂ naw nunda məɛ̂ dɔɛ̂ tə̂ kə kəmɛ̂ mban a, nâ təl kunda məɛ̂ dɔɛ̂ tə̂ to kunda ang ngaa. Nân bba a kunda məɛ̂ dɔ nɛ̂n tə̂ kə̂ noo kə kəmɛ̂ mban wa?

Ebərəje 6:19

Əngaje jeje, nɛ̂n kə̂ jaw junda məje dɔɛ tə̂ le to tokə andə-narɛ kə̂ ɔɔy kə̂ n̂-tɔ tɔkə to tə̂ darə uwa ar nɛ̂n lo kâra. Nɛ̂n le nday kubbu kə̂ n̂-gangə nɛ̂n mə kəy-polo Lubba kə̂ mə dara tə̂ ngaâ aw tee lo tə̂ kə̂ n̂-sangə nya bbay mba Lubba.