Rɔmɛnje 4:13 - Dɔnɔn kə̂ Siki: Tar kə̂ aw arə təbbə

¹³ Lubba pa arə Abaraham kə ngakɛɛ̂jê nan, na karəde nangə nəənn to ləde. Mba nɛ̂n kə̂ Abaraham dda kə turu Ndu Lubba bba Lubba unn nɛ̂n ndue baann ang. Nunn ndue baann mba mə-kunn lə Abaraham. Mba yeenn bba, Lubba ooe nɛ̂n to dəw kə̂ gatə gatə.

Rɔmɛnje 4:13 Iomraidhean Croise

Kulaje 13:32

Jeje kara, jila mbər Tar kə̂ Maji nəənn jarəse tɔ. Nɛ̂n kə̂ Lubba unn ndue mbɛɛ̂ arə kajejedede le,

Rɔmɛnje 4:12

N̂-ddee to bɔ dəwje kə̂ ujaje ganja tɔ, yeenn pa nan dede kə̂ daaje lo kə ganja tə̂ ləde kâra baa ang, a daw ndajije mə-kunn lə bɔjeje Abaraham le kə̂ unn məɛ̂ kete bba uja ganja le.

Rɔmɛnje 9:8

Yeenn a ta pa nan: Ngannje tɔyn kə̂ Abaraham ujude â toje to ngann lə Lubba ang. Ngann lə Lubba kə̂ tɔkɔrɔ â to dede kə̂ Lubba unn ndue ta karə nujude.

Galatəje 3:29

Bbo ə-toje to ənga Kristə a, yeenn pa nan, ə-toje to ngaka Abaraham. Ə-toje to dəwje kə̂ Lubba unn ndue ta karəse nɛ̂n le.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

Ebərəje 7:6

A Mɛlkisedɛk kə̂ to dəw kə̂ gəl Lebi tə̂ ang taa dim ji Abaraham tə̂ ngaâ bbar tar kə̂ maji dɔ Abaraham tə̂ kə̂ Lubba unn ndue ta karɛ̂ nɛ̂nje.