Rɔmɛnje 4:11 - Dɔnɔn kə̂ Siki: Tar kə̂ aw arə təbbə

¹¹ Kete bba karə Abaraham uja ganja le, Lubba ooe to dəw kə̂ gatə gatə, mba noo məɛ̂ tə̂ saa. Goe tə̂ guku bba nuja ganja to marə əndaji kə̂ tɔju to Lubba ooe to dəw kə̂ gatə gatə ɔju dɔ mə-kunn laa. Mba yeenn bba, n̂-ddee nɛ̂n to bɔ dəwje tɔyn kə̂ ujaje ganja ang, a ooje məde tə̂. Lubba oode to dəwje kə̂ gatə gatə.

Rɔmɛnje 4:11 Iomraidhean Croise

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Matiye 8:11

M-pa marəse: Dəwje nya a kinje kəm kar tə̂ kə lo kə̂ kar aw andə tə̂ ta dâ kisi ta nɛ̂n-kusa tə̂ kə Abaraham, Ijakə kə Jakobbo mə Bbe-kɔn tə̂ kə̂ darâ.

Luku 19:9

Jeju pa arɛ̂ nan: «Bbokənɛn Lubba aji dəwje kə̂ kə̂y nəənn, mba Jase to ngonn lə Abaraham tɔ.

Tar kə̂ Maji kə̂ Jan dda makəturu tə̂ 3:33

Dəw kə̂ ndiki tə̂ kə tar-naji laa le tɔju kə ddaka to Lubba aw pa tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Tar kə̂ Maji kə̂ Jan dda makəturu tə̂ 6:35

Jeju pa arəde nan: «Əman, m-to mapa kə̂ aw arə təbbə dəw. Dəw kə̂ ddee rɔm tə̂ a, bbo a ddɛɛ̂ ndɔ kâra ang. Dəw kə̂ unn məɛ̂ arəm a, kunda maann a kɔɛ̂n ndɔ kâra ang.

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Tar kə̂ Maji kə̂ Jan dda makəturu tə̂ 6:47

«Tɔkɔrɔ njaa, m-pa marəse, dəw kə̂ unn məɛ̂, ee kə təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 8:33

Jiipije le paje arɛ̂je nan: «N-to njê kə̂ gəl Abaraham tə̂ ngaâ n-dda bbərə lə dəw ndɔ kâra ang. A ə-pa nan: ‹Ja tee bbərə tə̂ kə ddang tokə baânn wa?› »

Rɔmɛnje 10:11

Makəturu lə Lubba pa nan: «Dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

Rɔmɛnje 10:4

Mba Kristə dda arə Ndu lə Mɔyijə ɔsu kɔyn mban. Baann bba karə dəw kə̂ unn məɛ̂ a, ddee gatə gatə kəm Lubba tə̂.

Rɔmɛnje 10:6

A ta ddee gatə gatə ddəw mə-kunn tə̂ le, n̂-pa tarɛ̂ nan: Maji karə ə-pa tar nəənn məi tə̂ ang: «Nân bba a kin kaw darâ wa?» Bbo ə-pa baann a, nayn to a ta kaw kuwa Kristə darâ ddee saa nangə̂.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 3:30

mba Lubba kâra baa. Jiipije wase kəsə dəwje kara, ne â nâ dda karə n̂-ddeeje gatə gatə ɔju dɔ mə-kunn ləde.

Rɔmɛnje 4:10

A dɔ ndɔ tə̂ kə̂ dda bba nooe nɛ̂n to dəw kə̂ gatə gatə le wa? Lubba ooe to dəw kə̂ gatə gatə kete bba nuja ganja wase go ganja tə̂ kə̂ nuja wa? Kete bba nuja ganja, bbo goe tə̂ ang.

Rɔmɛnje 9:30

Yeenn a, ja paje nan ddi wa? Dəwje kə̂ toje to Jiipije ang kə̂ aw sangəje ddəw ta ddee gatə gatə kəm Lubba tə̂ ang ddəm â Lubba oode to dəwje kə̂ gatə gatə kəmɛ̂ tə̂, mba dooje məde tə̂ saa.

Rɔmɛnje 9:33

tokə Makəturu lə Lubba pa nan: «Ooje, mila marə ər kə̂ dəwje a tukaje gɔlde tə̂ tɔkə bbe tə̂ kə̂ Sinyɔ, tɔkə ər kə̂ a dda karə dəwje tosoje, dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

Rɔmɛnje 9:6

Yeenn tɔju to tar kə̂ Lubba pa le ture a to baa njaa be ang. Mba dəwje tɔyn kə̂ gəl Ijarayɛl tə̂ toje to ngann Ijarayɛlje kə̂ tɔkɔrɔ tɔyn ang.

2 Kɔrɛntinyɛje 1:22

Nula Ndil-mə-nda məje tə̂ to əndaji laa, ta nginan nɛ̂n kəsə nɛ̂nje kə̂ n̂-gɔl mba tar ləje.

Galatəje 3:22

A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Galatəje 3:29

Bbo ə-toje to ənga Kristə a, yeenn pa nan, ə-toje to ngaka Abaraham. Ə-toje to dəwje kə̂ Lubba unn ndue ta karəse nɛ̂n le.

Galatəje 3:7

Yeenn a, maji karə ə-gərəje to njê kə̂ unnje məde â toje to ngann lə Abaraham.

Galatəje 5:5

Jeje, jaw junda məje dɔ Lubba tə̂ kə̂ a dda karə n-ddee gatə gatə kəmɛ̂ tə̂ ddəw mə-kunn tə̂. Ndil-mə-nda â a dda karə n-nginan nɛ̂ɛnn le.

Galatəje 6:16

Dəwje tɔyn kə̂ a ddaje nɛ̂nje kə ddəw kə̂ m-tɔju nəənn kə dəwje lə Lubba tɔyn, maji karə Lubba dda arə məde wul lɔm ngaâ oo kəm-to-ndoo ləde tokə dəwje laa Ijarayɛlje.

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Apokalisi 9:4

Darəde ndu karə n̂-tujuje muje kə kamje kə kakəje ang. A dəwje kə̂ əndaji lə Lubba goto əngo-nɔnde tə̂ â ta n̂-ddajede maji ang.