Rɔmɛnje 4:1 - Dɔnɔn kə̂ Siki: Tar kə̂ aw arə təbbə

¹ Bbasinɛn nəənn, tar ddi bba ja paje dɔ kajeje Abaraham tə̂ wa? Ddi â ninga kə dɔ rɔɛ̂ njaa wa?

Rɔmɛnje 4:1 Iomraidhean Croise

Matiye 3:9

Kəjə kə̂ aw əjəje məse tə̂ nan Abaraham to kasese le asə ang. M-pa marəse: Lubba asə ta turu ərje nəənn karə təlje to ngann ka Abaraham.

Luku 3:8

Arəje kula-ddase tɔju to ə-turuje məse mban, əwje rɔse ta pa nan: ‹Abaraham to kasese!› M-pa marəse, Lubba asə ta turu ərje nəənn karə təlje to ngann ka Abaraham.

Tar kə̂ Maji kə̂ Jan dda makəturu tə̂ 8:33

Jiipije le paje arɛ̂je nan: «N-to njê kə̂ gəl Abaraham tə̂ ngaâ n-dda bbərə lə dəw ndɔ kâra ang. A ə-pa nan: ‹Ja tee bbərə tə̂ kə ddang tokə baânn wa?› »

Tar kə̂ Maji kə̂ Jan dda makəturu tə̂ 8:53

Ə-to dəw kə̂ ngəng uta bɔjeje Abaraham kə̂ oy le wa? Njê-kilaje mbər tar lə Lubba oyje tɔ. A əi, a ta pa nan ə-to nân wa?»

Tar kə̂ Maji kə̂ Jan dda makəturu tə̂ 8:56

Bɔsese Abaraham əjə ndɔ kə̂ mâ ddee nɛ̂n a, dda rɔ-nəəl nya. Noo ndɔ le arə rɔɛ̂ nəəle nya.»

Kulaje 13:26

Ngakɔnʼmje, sese kə̂ gəl Abaraham tə̂ kə see kəseje kə̂ aw bbəəlje Lubba, maji karə ə-gərəje to Lubba ula kə tar kaji nəənn ɔju dɔje.

Rɔmɛnje 1:3

Tar kə̂ Maji le to tar lə Ngonnɛ̂. Ddəw kuju tə̂, n̂-to ngonn-ka tɔkə mbay Dabbiti.

Rɔmɛnje 3:5

Majang kə̂ jaw dda â dəwje gərəje nɛ̂n to Lubba to gatə gatə. Yeenn a, tar ddi â ja paje wa? Ja pa nan Lubba to gatə gatə ang mba kunda kə̂ naw nundaje kə ndəy mba majang ləje wa? (Tar-pa lə dəwje â maw pa nəənn.)

Rɔmɛnje 4:16

Yeenn a, Lubba a karə dəwje nɛ̂nje kə̂ nunn ndue ta karə le ddəw mə-kunn tə̂. Baann bba nɛ̂n le a to nɛ̂n kə̂ dinga baa ddəw mə-maji tə̂ laa. N̂-ndiki ta karə nɛ̂n le ngaka Abaraham tɔyn. Nɛ̂n le to mba dəwje kə̂ eeje kɔ Ndu tə̂ kə karəde baa ang. To mba dəwje tɔyn kə̂ ooje məde tə̂ saa tokə Abaraham kə̂ oo məɛ̂ tə̂ le. Abaraham to bɔjeje tɔyn,

Rɔmɛnje 6:1

Yeenn a, tar ddi bba ja paje wa? Ja paje nan, maji ta nayn mə majang tə̂ bba karə Lubba dda kə je mə-maji arə uta dɔɛ̂ wa?

Rɔmɛnje 7:7

Yeenn a, ja paje nan ddi wa? Ja paje nan Ndu to majang wa? Baann ang! Ndu â tɔjum majang arə m-gərə. N̂-dda makəturu tə̂ lə Lubba nan: «Maji karə unda kəm-nda ang» Yeenn a bbo ndu goto a, mâ gərə nɛ̂n kə̂ to kunda kəm-nda le ang.

Rɔmɛnje 8:31

Ja paje nan ddi bbay wa? Bbo Lubba ee kə je a, nân njaa a kasə ta mbətəje wa?

2 Kɔrɛntinyɛje 11:22

N̂-toje to Ebərəje, a əman kara m-to Ebərə tɔ. N̂-toje to dəwje kə̂ Ijarayɛl, a əman kara m-to dəw kə̂ Ijarayɛl tɔ. N̂-toje to ngaka Abaraham, a əman kara m-to ngoka Abaraham tɔ.

Ebərəje 12:9

Bɔjejedede kə̂ njê-kujujeje aw undajeje mba tɔjuje nɛ̂n je ddəw, a jaw bbəəljede. Yeenn a, Bɔjeje kə̂ darâ, maji karə n-bbəəleje nya uta bbay mba kinga nɛ̂n təbbə.