Rɔmɛnje 3:9 - Dɔnɔn kə̂ Siki: Tar kə̂ aw arə təbbə

⁹ Ddi wa? Jee Jiipije juta kəsə dəwje wa? Baann ang! M-tɔju kə ddaka mban to Jiipije ddəm Gɛrɛkəje ddəm dede tɔyn njaa majang ɔn dɔde.

Rɔmɛnje 3:9 Iomraidhean Croise

Luku 7:39

Parijinyɛ le oo baann a, pa məɛ̂ tə̂ nan: «Bbo dingaw nəənn to nje-kila mbər tar lə Lubba tɔkɔrɔ a, nâ gərə to dɛnɛ̂n kə̂ aw ɔrɛ̂ nəənn to nje-nɛ̂n-dda kə̂ maji ang.»

Rɔmɛnje 1:18

Wungu ɔn Lubba darâ nu dɔ dəwje tə̂ mba majangje ləde tɔyn kə nɛ̂n-ddaje ləde kə̂ gatə gatə ang kə̂ ore dɔ tar kə̂ tɔkɔrɔ kə nangə̂.

Rɔmɛnje 11:32

Lubba dda arə dəwje tɔyn toje tokə dəwje kə̂ eeje kəy-kula tə̂, mba n̂-mbətəje ndu Lubba. N̂-dda baann ta tɔju dəwje tɔyn to noo kəm-to-ndoo ləde.

Rɔmɛnje 11:7

Yeenn pa nan ddi wa? Nɛ̂n kə̂ Ngann Ijarayɛlje aw sangəje le dingaje ang. A dede kə̂ Lubba mbərəde â dingaje nɛ̂n le. Lubba dda arə mə kəseje kətərə.

Rɔmɛnje 2:1

A əi kə̂ aw gangə sariya dɔ njê-marije tə̂ le, ə-to nân wa kara tar a kɔru dɔi tə̂ ang. Sariya kə̂ aw gangə dɔ njê-marije tə̂ le, nayn to əi njaa aw gangə sariya dɔi tə̂ənn, mba əi kara aw dda nɛ̂n tokə lə njê-marije le tɔ.

Rɔmɛnje 3:1

Yeenn a, bbo dəw to Jiipi a, ddi kə̂ maji â nuta nɛ̂n kəsə dəwje wa? Ddi kə̂ maji â to kuja ganja tə̂ wa?

Rɔmɛnje 3:19

A n-gərə to nɛ̂n tɔyn kə̂ Ndu lə Lubba pa le, n̂-pa mba dəwje kə̂ Ndu ɔn dɔde le. Yeenn bba karə dəw kâra oo tar ta pa ang ngaâ karə dəwje tɔyn gərəje to sariya lə Lubba to dɔ dəwje tə̂ tɔyn kə̂ duninya tə̂.

Rɔmɛnje 3:5

Majang kə̂ jaw dda â dəwje gərəje nɛ̂n to Lubba to gatə gatə. Yeenn a, tar ddi â ja paje wa? Ja pa nan Lubba to gatə gatə ang mba kunda kə̂ naw nundaje kə ndəy mba majang ləje wa? (Tar-pa lə dəwje â maw pa nəənn.)

Rɔmɛnje 6:15

Ddi wa? Jeeje kɔ mə-maji tə̂ lə Lubba bbo n-naynje kɔ Ndu tə̂ ang ngaa. Mba yeenn bba, ja ddaje majang wa? Baann ang!

Rɔmɛnje 7:14

N-gərə to Ndu to nɛ̂n lə Ndil. A əman m-to dəw baa, n̂-labbəm kə majang to bbərə laa.

1 Kɔrɛntinyɛje 10:19

Yeenn mâ ta pa nan ddi wa? Da kə̂ n̂-polo nɛ̂n kɔr to marə nɛ̂n wase kɔr to marə nɛ̂n wa?

1 Kɔrɛntinyɛje 14:15

Yeenn a, ddi â mâ dda wa? Mâ duju Lubba kə ndilim, a mâ duju Lubba kə nɛ̂n-gərə ləm tɔ. Mâ kɔsu pa kə ndilim, a mâ kusa pa kə nɛ̂n-gərə ləm tɔ.

1 Kɔrɛntinyɛje 4:7

Ddi â tɔju to ə-to dəw kə̂ dang wa? Nɛ̂n tɔyn kə̂ ee nɛ̂n to Lubba â ari ang wa? Yeenn a, mba ddi bba aw unda nɛ̂n gui tokə Lubba â ari ang wa?

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Galatəje 3:22

A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Pilipinyɛje 1:18

Yeenn dda nɛ̂n ang. Le daw tɔjuje tar lə Kristə le kə̂ kəjə kə̂ maji ang wase ddəw tar tə̂ kə̂ tɔkɔrɔ ang njaa kara nayn to dila mbər tar lə Kristə darə dəwje mban, minga rɔ-nəəl ddəwe tə̂. Rɔm a nəələm nya ddəwe tə̂ kə ləw.