Rɔmɛnje 3:4 - Dɔnɔn kə̂ Siki: Tar kə̂ aw arə təbbə

⁴ Baann ang! Maji karə dəwje gərəjə kə majɛ̂ to Lubba aw pa tar kə̂ tɔkɔrɔ. A dəwje tɔyn aw ərəje ngəm. Mba yeenn bba Makəturu lə Lubba pa nan: «Maji karə dəwje gərəje to ə-to gatə gatə ddəw tar tə̂ kə̂ aw pa. Ta bbo dâ ta gangə sariya dɔi tə̂ a, tar uwai ang.»

Rɔmɛnje 3:4 Iomraidhean Croise

Matiye 11:19

Ngonn lə dəw ddee ngaâ ɔn muru ddəm ay nɛ̂n ddəm a dəwje paje nan: ‹N̂-to nje-nɛ̂n-kusa kə nje-nɛ̂n-kay. N̂-to nje-buwa-kura lə njê-taaje narɛ lambo ddəm njê-nɛ̂n-ddaje kə̂ maji ang ddəm.› A kulaje kə̂ kəm-karɛ lə Lubba le aw dda, tɔju to kəm-karɛ le to gatə gatə.»

Luku 20:16

Nâ ddee tɔl njê-ddaje kula binyə le ngaâ nâ kinya ndɔɔ le ji marə dəwje tə̂ kə̂ dang.» Dəwje kə̂ banya le ooje tar le a, n̂-paje nan: «Maji karə nɛ̂ɛnn ddee tokə baann ang!»

Tar kə̂ Maji kə̂ Jan dda makəturu tə̂ 3:33

Dəw kə̂ ndiki tə̂ kə tar-naji laa le tɔju kə ddaka to Lubba aw pa tar kə̂ tɔkɔrɔ.

Rɔmɛnje 11:1

M-ndiki ta gərə: Lubba turu gire arə dəwje laa ngaa wa? Ndɔ kâra ang! Mba əman kə dɔm njaa m-to ngonn Ijarayɛl tɔ, m-to ngonn-ka Abaraham, dəw kə̂ mə nuju tə̂ lə Bɛnjamɛn.

Rɔmɛnje 11:11

M-nduju ta gərə: Koso kə̂ dosoje le dâ kinje ang nyɔm wa? Baann ang! Mbal dɔ majang kə̂ n̂-ddaje â dəwje kə̂ gəlde toje to Jiipije ang ingaje nɛ̂n kaji. Lubba dda baann karə mə dda ngann Ijarayɛlje.

Rɔmɛnje 3:31

Yeenn a, bbo jooje məje tə̂ a, Ndu ddee to marə nɛ̂n ang ngaa wa? Baann ang. Yeenn dda arə Ndu təl ddee to nɛ̂n kə̂ maji nya kəm dəwje tə̂.

Rɔmɛnje 6:15

Ddi wa? Jeeje kɔ mə-maji tə̂ lə Lubba bbo n-naynje kɔ Ndu tə̂ ang ngaa. Mba yeenn bba, ja ddaje majang wa? Baann ang!

Rɔmɛnje 6:2

Baann ang! N-toje tokə dəwje kə̂ oyje mban arə majang ubba singa dɔje tə̂ ang. Yeenn a, ja kasəje ta nayn mə majang tə̂ bbay tokə baânn wa?

Rɔmɛnje 7:13

Nɛ̂n kə̂ maji le njaa təl to nɛ̂n kə̂ a ta tɔləm wa? Baann ang! Majang njaa unn nɛ̂n kə̂ maji le ta tɔləm nɛ̂n. Ndu dda baann ta tɔju to majang to nɛ̂n kə̂ maji ang nya.

Rɔmɛnje 7:7

Yeenn a, ja paje nan ddi wa? Ja paje nan Ndu to majang wa? Baann ang! Ndu â tɔjum majang arə m-gərə. N̂-dda makəturu tə̂ lə Lubba nan: «Maji karə unda kəm-nda ang» Yeenn a bbo ndu goto a, mâ gərə nɛ̂n kə̂ to kunda kəm-nda le ang.

Rɔmɛnje 9:14

Yeenn pa nan ddi wa? Lubba to gatə gatə ang wa? Baann ang.

1 Kɔrɛntinyɛje 6:15

Ə-gərəje to da-rɔse to barkəm-rɔ Kristə ang wa? Mâ kunn barkəm-rɔ Kristə karə təl to barkəm-rɔ dɛnɛ̂n nje-kaya wa? Baann ang!

2 Kɔrɛntinyɛje 1:18

Lubba njaa kara gərə to tar kə̂ n-pa jarəse le to «An än» ddəm «Ân an» ddəm ang.

Galatəje 2:17

Jaw sangə ddəw ta ddee gatə gatə kəm Lubba tə̂ ddəw tə̂ lə Kristə. Jaw dda baann le a, jeje njaa kara joo rɔje to njê-nɛ̂n-ddaje kə̂ maji ang tokə njê kə̂ toje to Jiipije le ang tɔ. Yeenn tɔju to Kristə le to nje-dda karə n-dda majang wa? Baann ang.

Galatəje 2:21

M-ndiki ta mbətə mə-maji kə̂ Lubba dda le ang. Mba bbo dəw aw ddee gatə gatə ddəw Ndu tə̂ kəm Lubba tə̂ a, yeenn pa nan Kristə oy baa be.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Titə 1:2

Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

1 Jan 5:10

Dəw kə̂ unn məɛ̂ arə Ngonn lə Lubba, tar-naji le to məɛ̂ tə̂. Dəw kə̂ unn məɛ̂ arə Lubba ang, dəw le dda arə Lubba ddee to nje-ngəm, mba nunda mə-kunn laa dɔ tar-naji tə̂ kə̂ Lubba pa dɔ Ngonnɛ̂ tə̂ le ang.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.