Rɔmɛnje 3:25 - Dɔnɔn kə̂ Siki: Tar kə̂ aw arə təbbə

^25-26 Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

Rɔmɛnje 3:25 Iomraidhean Croise

Tar kə̂ Maji kə̂ Jan dda makəturu tə̂ 6:47

«Tɔkɔrɔ njaa, m-pa marəse, dəw kə̂ unn məɛ̂, ee kə təbbə kə̂ to kə ndɔ kə ndɔ.

Kulaje 14:16

Dɔ ndɔje tə̂ kə̂ ndayje, Lubba inya ddəw arə gəl-dəwje tɔyn ddaje nɛ̂n kə̂ məde ndiki.

Kulaje 15:18

N̂-tɔju dəwje nɛ̂n kə̂ nəjə ta dda le ləw baa.›

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 2:23

Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.

Kulaje 4:28

Baann â, n̂-ddaje darə nɛ̂n tɔyn kə̂ ə-gɔl kete ddəw singa-mɔngu tə̂ ləi kə ddəw mə-ndiki tə̂ ləi le ddee to nɛ̂n kə̂ tɔkɔrɔ.

Rɔmɛnje 2:4

Lubba aw dda maji səi nya. N̂-ndiki ta gangə sariya dɔi tə̂ kə tɔkɛ̂ ang. Naw nooi kə kəmɛ̂, a oo nɛ̂njeenn to nɛ̂n kə̂ baa wa? Ə-gərə to Lubba aw dda səi mə-maji baann karə ə-turu məi ang wa?

Rɔmɛnje 5:1

Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.

Rɔmɛnje 5:11

Uta yeenn bbay, jaw ddaje rɔ-nəəl nɔn Lubba tə̂ ləje ddəw tə̂ lə Əbbəjeje Jeju-Kristə, mba ne â n̂-dda narə junguje naan tə̂ kə Lubba bbasinɛn.

Rɔmɛnje 5:18

Yeenn a, majang lə dəw kâra kə̂ to Adam dda arə Lubba gangə sariya dɔ dəwje tə̂ tɔyn. Ddəw kâra baa, kula kə̂ gatə gatə lə dəw kâra kə̂ to Jeju-Kristə a dda karə dəwje tɔyn ddeeje gatə gatə ngaâ isije kə təbbə.

Rɔmɛnje 5:9

Bbasinɛn, Lubba dda arə n-ddeeje gatə gatə kəmɛ̂ tə̂ ddəw məsə Jeju tə̂. Yeenn a, ddi bba a kɔku ddəw Jeju le karə ajije ta wungu tə̂ kə̂ Lubba dda kə je wa?

1 Kɔrɛntinyɛje 5:7

Maji karə arəje wum kə̂ ləw kə̂ to horose tə̂ goto kə ddang ta ə-ddeeje maji. Yeenn bba a ddeeje tokə lə nduju kə̂ n̂-bɔkɔlɔ tokə siki kə wum ang. Tɔkɔrɔ njaa ə-ddeeje to nduju kə̂ n̂-bɔkɔlɔ tokə siki mban, mba Kristə to ngonn batə Pakə ləje kə̂ dunn darə to nɛ̂n-polo mban.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Epɛjinyɛje 2:13

A bbasinɛn, ddəw tə̂ lə Jeju-Kristə, sese kə̂ eeje ddəw əw ə-təl ə-ddeeje ngɔsi baa, ddəw məsə Kristə tə̂ le.

1 Timɔte 1:15

Tar nəənn to tar kə̂ tɔkɔrɔ, maji karə dəwje tɔyn taaje tar nəənn ngəmje məde tə̂: Jeju-Kristə ddee dɔ nangə tə̂ mba kaji njê-nɛ̂n-ddaje kə̂ maji ang. Əman njaa m-to dəw kə̂ dda majang uta kəsə dəwje tɔyn.

Ebərəje 10:4

Mba məsə baw-mangəje kə məsə bal-binyaje asəje ta kɔru majangje ndɔ kâra ang.

Ebərəje 11:14

Dəwje kə̂ paje tar tokə baann tɔjuje kə ddaka to daw sangəje bbe ləde njaa.

Ebərəje 11:17

Ddəw mə-kunn tə̂ â Abaraham unn Ijakə arə Lubba to nɛ̂n-polo kar tə̂ kə̂ Lubba nɛɛ̂n nɛ̂n. To ngonnɛ̂ kə̂ kâra baa â nunn ta karə Lubba kə̂ unn ndue arɛ̂ pa nan:

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

Ebərəje 9:5

Dunda nɛ̂nje kə̂ n̂-dda darə unn da-rɔ anjəje kə̂ daw bbarde to serubɛn pitije dɔ sanduku tə̂ le. Yeenn ta tɔju to Lubba ee lo tə̂ənn le. Bakəde ɔnn dɔ lo kə̂ daw dunn məsə darə tə̂ mba majang lə dəwje. A to kar tɔju nɛ̂njeenn tɔyn kə goe goe â nəənn ang bbay.

1 Jan 1:10

Bbo n-paje nan n-ddaje majang ang a, jaw ddaje jarə Lubba təl to nje-ngəm ngaâ tar laa to məje tə̂ ang.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 4:10

Tar ndiki le tokə be: Jeje â n-ndikije Lubba ang, ne â n̂-ndikije ngaâ nula Ngonnɛ̂ narə n̂-ddee to nɛ̂n-polo ta kɔru nɛ̂n tar majangje ləje dɔje tə̂.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 20:15

Dəw kə̂ dinga ria makəturu təbbə tə̂ le ang a, dilɛ̂ ndakə puru tə̂ le.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.