Rɔmɛnje 3:2 - Dɔnɔn kə̂ Siki: Tar kə̂ aw arə təbbə

² Nɛ̂n kə̂ maji to mə nɛ̂nje tə̂ nya njaa. Dɔngɔr njaa kara, Jiipije â Lubba inya tarje laa mə jide tə̂.

Rɔmɛnje 3:2 Iomraidhean Croise

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Kulaje 7:38

Kar kə̂ dəwje kə̂ Ijarayɛl aw mbɔnje naan mə kɔr tə̂ le Mɔyijə tɔ â ar horo kajejedede tə̂ kə anjə kə̂ aw pa saa tar dɔ ddingiri tə̂ kə̂ Sinayi. Ne â ninga tarje kə̂ aw arə təbbə dəwje mba ndaji karəje.

Rɔmɛnje 1:2

Lubba unn ndue ləw baa, ddəw tə̂ lə njê-kilaje mbər tar laa makəturu tə̂ laa ta karə Tar kə̂ Maji nəənn dəwje.

Rɔmɛnje 2:18

Əi kə̂ ə-gərə nɛ̂n kə̂ mə Lubba ndiki ngaâ Ndu aw tɔji nɛ̂n karə ə-gərə nɛ̂n kə̂ maji.

Rɔmɛnje 3:1

Yeenn a, bbo dəw to Jiipi a, ddi kə̂ maji â nuta nɛ̂n kəsə dəwje wa? Ddi kə̂ maji â to kuja ganja tə̂ wa?

Rɔmɛnje 3:3

Tɔkɔrɔ njaa, marɛ̂je horode tə̂ ngəmje mə-kunn ləde ang. A yeenn â, a dda karə Lubba tusu nɛ̂n nɛ̂n kə̂ nunn ndue ta dda le ninya wa?

Rɔmɛnje 9:4

N̂-toje to ngann Ijarayɛlje kə̂ Lubba arə n̂-ddeeje to ngannɛ̂. Lubba arə dooje piti laa, nɔsu dɔnɔn kə̂ de, narəde Ndu laa, narə n̂-toje to dəwje kə̂ aw poleje kə ddəwe ngaâ nunn ndue ta karəde nɛ̂nje.

1 Kɔrɛntinyɛje 9:17

Bbo əman njaa m-dda kula le kə dɔm baa a, asə karə minga kuka ləm. A to kula kə̂ darəm kə singa arə maw dda to kula kə̂ dinya to kinya jim tə̂.

2 Kɔrɛntinyɛje 5:19

Mba Lubba â təl ungu dəwje kə̂ duninya tə̂ naan tə̂ saa ddəw tə̂ lə Kristə. Naa lo kə majang tə̂ ləde ang. Nula tar kungu dəwje naan tə̂ saa məje tə̂.

Galatəje 2:7

A dooje a, n̂-gərəje to Lubba inya Tar kə̂ Maji le jim tə̂ karə mila mbəre marə dəwje kə̂ ujaje ganja ang, tokə ninya ji Piyɛr tə̂ karə ila mbəre arə dəwje kə̂ ujaje ganja le.

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

Ebərəje 5:12

Kuru lo əw nya karə ə-ddeeje to njê-nɛ̂n-tɔjuje ngaa. A sese le tɔ bbay â ə-ndikije karə n̂-təl n̂-tɔjuse dɔngɔr nɛ̂nje kə̂ dɔ tar tə̂ lə Lubba wa? Ə-ddeeje to dəwje kə̂ ndikije ta kil mba bbay, bbo asəje ta kusa nɛ̂n kə̂ kətərə ang.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 22:6

Goe tə̂ a, anjə le pa arəm nan: «Tarje nəənn to tarje kə̂ tɔkɔrɔ ngaâ asə karə dəw unda məɛ̂ dɔɛ tə̂. Əbbə-dəwje Lubba kə̂ arə Ndil laa ddee dɔ njê-kilaje mbər tar tə̂ laa ula anjə laa karə tɔju njê-kulaje laa nɛ̂n kə̂ nayn ngɔsi baa ta ddee.»