Rɔmɛnje 3:19 - Dɔnɔn kə̂ Siki: Tar kə̂ aw arə təbbə

¹⁹ A n-gərə to nɛ̂n tɔyn kə̂ Ndu lə Lubba pa le, n̂-pa mba dəwje kə̂ Ndu ɔn dɔde le. Yeenn bba karə dəw kâra oo tar ta pa ang ngaâ karə dəwje tɔyn gərəje to sariya lə Lubba to dɔ dəwje tə̂ tɔyn kə̂ duninya tə̂.

Rɔmɛnje 3:19 Iomraidhean Croise

Tar kə̂ Maji kə̂ Jan dda makəturu tə̂ 15:25

A nɛ̂ɛnn le to tokə baann bba karə tar kə̂ n̂-dda Makəturu-Ndu tə̂ ləde ddee to nɛ̂n kə̂ tɔkɔrɔ. Tar le nan: ‹N̂-mbətəmje baa njaa.›

Tar kə̂ Maji kə̂ Jan dda makəturu tə̂ 8:9

Dəwje le ooje tarje le a, dɔtuje kâra kâra, unn kute dɔ dəwje tə̂ kə̂ tɔkə, ndərəng dɔ ngannje tə̂. A Jeju nayn kə karɛ̂ baa kə dɛnɛ̂n le, lo tə̂ kə̂ dundɛ̂ tə̂ le.

Rɔmɛnje 1:20

Marə nɛ̂nje lə Lubba kə̂ dəw oo ang toje. Nɛ̂nje tokə singa-mɔngu laa kə̂ to kə ndɔ kə ndɔ kə kisi laa kə̂ nisi to Lubba le dəwje aw ooje ləw baa, kunn-kute tə̂ kə̂ Lubba dda duninya. Nɛ̂njeenn, dəwje aw ooje ddəw nɛ̂nje tə̂ kə̂ n̂-dda ngaâ n̂-gərəje kə majɛ̂. Mba yeenn bba, Lubba a kɔru tar dɔ dəwje tə̂ ang.

Rɔmɛnje 3:2

Nɛ̂n kə̂ maji to mə nɛ̂nje tə̂ nya njaa. Dɔngɔr njaa kara, Jiipije â Lubba inya tarje laa mə jide tə̂.

Rɔmɛnje 3:23

Dəwje tɔyn ddaje majang arə dasəje piti lə Lubba ang.

Rɔmɛnje 3:4

Baann ang! Maji karə dəwje gərəjə kə majɛ̂ to Lubba aw pa tar kə̂ tɔkɔrɔ. A dəwje tɔyn aw ərəje ngəm. Mba yeenn bba Makəturu lə Lubba pa nan: «Maji karə dəwje gərəje to ə-to gatə gatə ddəw tar tə̂ kə̂ aw pa. Ta bbo dâ ta gangə sariya dɔi tə̂ a, tar uwai ang.»

Rɔmɛnje 3:9

Ddi wa? Jee Jiipije juta kəsə dəwje wa? Baann ang! M-tɔju kə ddaka mban to Jiipije ddəm Gɛrɛkəje ddəm dede tɔyn njaa majang ɔn dɔde.

1 Kɔrɛntinyɛje 1:29

Baann bba dəw a kasə kunda gue nɔn Lubba tə̂ ang.

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Galatəje 4:21

Ə-paje arəje moo: Sese kə̂ ə-ndikije ta nayn kɔ Ndu tə̂ le ooje tar kə̂ Ndu pa ang wa?

Galatəje 4:5

bba ta tee nɛ̂n kə dəwje kə̂ eeje kɔ Ndu tə̂ kə ddang karə n-ddeeje to ngann lə Lubba.

Galatəje 5:18

A bbo Ndil-mə-nda â aw tɔjuse ddəw a, eeje kɔ Ndu tə̂ ang ngaa.