Rɔmɛnje 2:7 - Dɔnɔn kə̂ Siki: Tar kə̂ aw arə təbbə

⁷ Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 2:7 Iomraidhean Croise

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Luku 21:19

Uwaje arəje ngəng mba təbbə ləse.»

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Tar kə̂ Maji kə̂ Jan dda makəturu tə̂ 4:36

Nje-kuja kandə-ko inga kuka laa mban. Naw mbɔn kandə-ko le mba kisi nɛ̂n kə təbbə kə̂ to kə ndɔ kə ndɔ. Yeenn bba karə nje-dubbu ko kə nje-kuja ko, dede joo kəm rɔde nəəlde.

Tar kə̂ Maji kə̂ Jan dda makəturu tə̂ 5:44

Sese aw pitije naan horose tə̂. A ə-sangəje piti kə̂ in rɔ Lubba tə̂ njaa ang. Yeenn a, â kasəje ta koo məse tə̂ tokə baânn wa?

Rɔmɛnje 2:10

A dəwje tɔyn kə̂ aw ddaje maji, Lubba a kɔsu gajide, nâ walde, nâ karə məde wul lɔm, a kunn-kute dɔ Jiipije tə̂ dɔngɔr bba a tee dɔ Gɛrɛkəje tə̂.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 8:18

Moo a, piti kə̂ Lubba a tɔjuje kə ddaka ndɔ tə̂ kə̂ aw ddee a kuta ndoo kə̂ jaw jooje bbokənɛn nəənn.

Rɔmɛnje 9:23

Lubba ndiki ta tɔju piti laa kə̂ bo nya kəsə dəwje, dede kə̂ noo kəm-to-ndoo ləde kə̂ n̂-gɔlde tokə kete mba karə dingaje piti saa.

1 Kɔrɛntinyɛje 15:42

Ndol lə dəwje kə̂ oyje to tokə baann tɔ. Rɔ kə̂ n̂-dubbu le tuju. A rɔ kə̂ a ndol le tuju ang.

1 Kɔrɛntinyɛje 15:50

Ngakɔnʼmje, nɛ̂n kə̂ m-ndiki ta pa â nəənn: Da-rɔ dəw a kasə ta kandə mə Bbe-kɔn tə̂ lə Lubba ang. Nɛ̂n kə̂ aw oy a kasə ta nayn kə təbbə kə̂ to kə ndɔ kə ndɔ ang.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

Galatəje 6:9

Maji karə n-ddaje maji, jarə rɔje nyaje tə̂ ang. Mba bbo juwa jarə ngəng ngaâ karɛ̂ asə a, ja kuja kandɛ̂.

Epɛjinyɛje 6:24

Maji karə Lubba dda mə-maji kə dəwje tɔyn kə̂ ndikije Əbbəjeje Jeju-Kristə kə ndiki kə̂ a goto ndɔ kâra ang.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

2 Timɔte 1:10

N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.

Ebərəje 2:7

Mba ə-dda arə n̂-ddee to dəw kə̂ ta-gɔl anjəje tə̂ mba gɔju kar, ə-dda arə ninga piti kə kɔsu gaji,

Ebərəje 6:12

Arəje dabbə ddase ang, a ə-ndajije dəwje kə̂ unnje məde ngaâ tɔje wurde nginanje ngaâ ingaje nɛ̂nje kə̂ Lubba unn ndue ta karəde.

Ebərəje 6:15

Abaraham tɔ wure nginan ngaâ ninga nɛ̂n kə̂ Lubba unn ndue ta karɛ̂ le.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.