Rɔmɛnje 2:4 - Dɔnɔn kə̂ Siki: Tar kə̂ aw arə təbbə

⁴ Lubba aw dda maji səi nya. N̂-ndiki ta gangə sariya dɔi tə̂ kə tɔkɛ̂ ang. Naw nooi kə kəmɛ̂, a oo nɛ̂njeenn to nɛ̂n kə̂ baa wa? Ə-gərə to Lubba aw dda səi mə-maji baann karə ə-turu məi ang wa?

Rɔmɛnje 2:4 Iomraidhean Croise

Rɔmɛnje 10:12

Yeenn a, Jiipije kə Gɛrɛkəje toje to dəwje kə̂ kâra baa. Əbbədede kâra baa, naw narə nɛ̂nje kə̂ maji dəwje tɔyn kə̂ aw bbarɛ̂je.

Rɔmɛnje 11:22

Maji karə ə-gərə to Lubba to nje-dda maji ddəm nje-gangə sariya kə̂ ngəng ddəm. N̂-gangə sariya kə̂ ngəng dɔ dəwje tə̂ kə̂ mbətəje ta koo məde tə̂ ngaâ n̂-dda səi mə-maji. Bbo ə-nayn ddəw mə-maji tə̂ le ang a, nâ kɔri kə guku tɔ.

Rɔmɛnje 11:33

Mə-maji lə Lubba bo nya! Kəm-karɛ laa kə nɛ̂n-gərə laa bo nya! Nân bba a kasə gərə gəl sariya kə̂ naw gangə wa? Nân bba a kasə gərə ddəw kə̂ naw dda nɛ̂n nɛ̂n wa?

Rɔmɛnje 3:25

Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

Rɔmɛnje 6:1

Yeenn a, tar ddi bba ja paje wa? Ja paje nan, maji ta nayn mə majang tə̂ bba karə Lubba dda kə je mə-maji arə uta dɔɛ̂ wa?

Rɔmɛnje 6:15

Ddi wa? Jeeje kɔ mə-maji tə̂ lə Lubba bbo n-naynje kɔ Ndu tə̂ ang ngaa. Mba yeenn bba, ja ddaje majang wa? Baann ang!

2 Kɔrɛntinyɛje 8:2

Nɛ̂n kəm-to-ndooje nya ingajede njaa, a rɔde nəəlde nya. N̂-ndooje nya njaa, a darəje nɛ̂n kə nangə̂ baa.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Epɛjinyɛje 2:4

A Lubba oo kəm-to-ndoo ləje nya, mba n̂-ndikije nya.

Epɛjinyɛje 2:7

Yeenn a, ddəw mə-maji tə̂ kə̂ n̂-dda kə je ddəw tə̂ lə Jeju-Kristə le, Lubba ndiki ta tɔju maji laa kə̂ uta dɔɛ̂ kə ndɔ kə ndɔ.

Epɛjinyɛje 3:16

M-duje nya karə ddəw piti tə̂ laa kə̂ uta dɔɛ̂, narəse singa nya məse tə̂ ddəw tə̂ lə Ndil-mə-nda.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Pilipinyɛje 4:19

Lubba le a karəse nɛ̂nje tɔyn kə̂ ə-ndikije ddəw tə̂ lə Jeju-Kristə, mba nɛ̂n-kinga laa to baa kə nangə̂.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 2:2

M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.

1 Timɔte 1:16

A mba yeenn â Lubba oo kəm-to-ndoo ləm, n̂-ndiki ta karə Jeju-Kristə tɔju tɔ-wur laa dɔm tə̂, əman kə̂ m-to dəw kə̂ dɔngɔr kə̂ nje-nɛ̂n-dda kə̂ maji ang le. N̂-dda baann mba karə dəwje kə̂ a ta kooje məde tə̂ saa ta kinga nɛ̂n təbbə kə̂ to kə ndɔ kə ndɔ oomje to nɛ̂n-kɔju-marɛ̂.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

1 Piyɛr 3:20

To ndil dəwje kə̂ ddaje dɔ-kətərə kə Lubba ləw, kar tə̂ kə̂ naw tɔ nɛ̂n wure naw nginan nɛ̂n de, dɔ ndɔje tə̂ kə̂ Nowe aw dda nɛ̂n tɔkə to le. Dəwje jijoo baa â andəje mə tɔkə to tə̂ le ngaâ Lubba ajide ddəw maann tə̂ le.

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

2 Piyɛr 3:15

Maji karə ə-gərəje to tɔ kə̂ Əbbəjeje aw tɔ wure le to mba karə ingaje nɛ̂n kaji. Tar nəənn le â ngokɔnje Pɔl kə̂ n-ndike nya dda makəturu tə̂ arəse ddəw kəm-karɛ tə̂ kə̂ Lubba arɛ̂.

2 Piyɛr 3:3

Dɔngɔr nɛ̂n, maji karə ə-gərəje to ddutu ndɔje tə̂ a, dəwje kə̂ aw njaje ddəw bbo tə̂ kə̂ da-rɔde tə̂ a kundaje lo teeje. Dâ kɔjujese koko nɛ̂n.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.

Apokalisi 2:21

Minya marə kar marɛ̂ karə n̂-turu məɛ̂. A n̂-ndiki ta kinya ddəw kaya laa le ang.

Apokalisi 3:20

Oo, mar ta-kəy tə̂, maw tunda. Bbo dəw oo ndum ngaâ ɔru ta-kəy le a, mâ kandə kəy laa ngaâ ja kusa nɛ̂n kə naan.