Rɔmɛnje 2:27 - Dɔnɔn kə̂ Siki: Tar kə̂ aw arə təbbə

²⁷ Dəw kə̂ dujɛ̂ ganja ang ngaâ aw bbəəl Ndu le a gangə sariya dɔi tə̂, əi kə̂ ee kə Ndu ngaâ dujai ganja, a ə-bbəəl Ndu le ang.

Rɔmɛnje 2:27 Iomraidhean Croise

Matiye 3:15

A Jeju ilɛ̂ tə̂ nan: «Kə̂ bbasinɛn nəənn, arə n-dda tokə baann. Mba to maji karə n-dda nɛ̂n tɔyn kə̂ to gatə gatə tokə baann.» Yeenn ngaâ Jan le ndiki tə̂ saa.

Kulaje 13:22

«Lubba ɔru mbay dɔ Sawul tə̂ ngaâ narə Dabbiti ddee to tɔkə mbay ləde. Lubba pa tar lə Dabbiti le nan: ‹Minga Dabbiti ngonn lə Jese. N̂-to dəw kə̂ məm ndike. Ne â nâ dda nɛ̂nje tɔyn kə̂ məm ndiki.›

Rɔmɛnje 13:10

Bbo dəw ndiki nje-marɛ̂ mban a, nâ dda saa majang ang ngaa. Yeenn a, ndiki dəw to dda nɛ̂n kə turu Ndu tɔyn.

Rɔmɛnje 2:15

N̂-tɔjuje to nɛ̂n kə̂ Ndu duju ta dda to məde tə̂ ngaâ kəjə ləde aw ɔru najɛ̂. Marə nɛ̂n kə̂ aw tɔju nɛ̂ɛnn tɔ to, dede njaa, marɛ̂jeenn a, kəjə ləde aw tɔjude to daw ddaje majang. Marɛ̂jeenn a, kəjə ləde aw tɔjude to daw ddaje nɛ̂n kə̂ maji.

Rɔmɛnje 2:20

Oo rɔi to nje-tɔju nɛ̂n dəwje kə̂ gərəje nɛ̂n ang ddəm nje-tɔju nɛ̂n ngannje kə̂ ngaji ddəm. Tɔkɔrɔ oo to Ndu unn ddəw arə ə-gərə nɛ̂n ddəm ə-gərə tar kə̂ tɔkɔrɔ ddəm mban.

Rɔmɛnje 2:25

Tɔkɔrɔ, bbo əi Jiipi aw dda nɛ̂n kə̂ Ndu duju a, ganja kə̂ dujai to nɛ̂n kə̂ maji. A bbo dujai ganja bba ə-dda nɛ̂n kə̂ Ndu duju ang a, ə-to ddəw kâra baa kə dəw kə̂ dujɛ̂ ganja ang.

Rɔmɛnje 2:26

A bbo dəw kə̂ dujɛ̂ ganja ang bbəəl Ndu lə Lubba a, Lubba a kooe to dəw kə̂ dujɛ̂ ganja ngaa ang wa?

Rɔmɛnje 2:29

Dəw kə̂ to Jiipi məɛ̂ tə̂ nu â to Jiipi kə̂ tɔkɔrɔ. Kuja ganja kə̂ tɔkɔrɔ to ye kə̂ mə dəw tə̂, ddəw tə̂ lə Ndil lə Lubba bbo ddəw Ndu tə̂ kə̂ n̂-dda makəturu tə̂ ang. Jiipi kə̂ tɔkɔrɔ, Lubba â aw pite bbo dəwje â aw piteje ang.

Rɔmɛnje 3:30

mba Lubba kâra baa. Jiipije wase kəsə dəwje kara, ne â nâ dda karə n̂-ddeeje gatə gatə ɔju dɔ mə-kunn ləde.

Rɔmɛnje 8:4

Lubba dda nɛ̂ɛnn le karə n-ddeeje to dəwje kə̂ asə ta dda nɛ̂n kə̂ Ndu dujuje karə n-ddaje le, jeje kə̂ jaw njaje ddəw tə̂ lə Ndil-mə-nda bbo ddəw da-rɔ tə̂ ang.

1 Kɔrɛntinyɛje 7:19

Kuja ganja wase kuja ganja ang dda marə nɛ̂n kâra ang. Ngəm nduje lə Lubba â to nɛ̂n kə̂ ngəng.

2 Kɔrɛntinyɛje 3:6

Ne â n̂-dda narə jasə ta to njê-kula dɔnɔn kə̂ siki le. Dɔnɔn kə̂ siki le in mə Ndu tə̂ kə̂ duja makəturu tə̂ to kuja ang. To dɔnɔn kə̂ in rɔ Ndil tə̂. Mba Ndu kə̂ duja makəturu tə̂ aw kə dəw kə yo tə̂, a Ndil aw arə təbbə.

Galatəje 5:14

Mba Ndu lə Mɔyijə tɔyn njaa to mə tar tə̂ kə̂ kâra nəənn. Tar kə̂ nan: «Maji karə ə-ndiki nje-mari tokə da-rɔi njaa.»

Epɛjinyɛje 2:11

Sese kə̂ dujuse to Jiipije ang le, Jiipije kə̂ dəwje â ujade ganja ndikije karə dəwje bbarde to njê-ganjaje. A daw bbarse to «njê-kuja ganja ang».

2 Timɔte 3:15

Kar tə̂ kə̂ ə-nayn ngonn bbay njaa ə-gərə Makəturu kə̂ maji tɔyn. Makəturu le ee kə singa mba tɔji kəm-karɛ. Kəm-karɛ le a kaw səi karə inga kaji kə̂ Jeju-Kristə aw arə dəwje kə̂ unnje məde arɛ̂je.

Ebərəje 11:3

Ddəw mə-kunn tə̂ â n-gərə nɛ̂n to ddəw tar kə̂ ta Lubba tə̂ â duninya to nɛ̂n. Yeenn a, nɛ̂nje kə̂ jaw jooje ddeeje ddəw nɛ̂nje tə̂ kə̂ kəm dəw aw oo ang.