Rɔmɛnje 2:17 - Dɔnɔn kə̂ Siki: Tar kə̂ aw arə təbbə

¹⁷ Əi kə̂ ə-pa nan ə-to Jiipi kə̂ unda məi dɔ Ndu tə̂ lə Mɔyijə ngaâ aw unda gui kə Lubba ləi.

Rɔmɛnje 2:17 Iomraidhean Croise

Matiye 3:9

Kəjə kə̂ aw əjəje məse tə̂ nan Abaraham to kasese le asə ang. M-pa marəse: Lubba asə ta turu ərje nəənn karə təlje to ngann ka Abaraham.

Luku 10:28

Jeju pa arɛ̂ nan: «Ila tə̂ kə dɔgɔlɛ̂ njaa. Ə-dda tokə baann a, â nayn kəm baa.»

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Tar kə̂ Maji kə̂ Jan dda makəturu tə̂ 5:45

«Əman â mâ kunda tar dɔse tə̂ nɔn Bɔ tə̂ ang. Dəw kə̂ a kunda tar dɔse tə̂ to Mɔyijə kə̂ undaje məse dɔɛ̂ tə̂ le.

Tar kə̂ Maji kə̂ Jan dda makəturu tə̂ 7:19

Mɔyijə â arəse Ndu ang wa? A dəw kâra horose tə̂ aw bbəəl Ndu ang. Yeenn a, mba ddi bba aw sangəje ddəw ta tɔləm wa?»

Tar kə̂ Maji kə̂ Jan dda makəturu tə̂ 8:33

Jiipije le paje arɛ̂je nan: «N-to njê kə̂ gəl Abaraham tə̂ ngaâ n-dda bbərə lə dəw ndɔ kâra ang. A ə-pa nan: ‹Ja tee bbərə tə̂ kə ddang tokə baânn wa?› »

Tar kə̂ Maji kə̂ Jan dda makəturu tə̂ 8:41

Sese, aw ddaje kula-dda lə bɔsese.» Dilɛ̂je tə̂ nan: «N-to ngann kayaje ang, Bɔjeje kâra baa to Lubba.»

Rɔmɛnje 2:23

Aw unda gui mba Ndu, a aw dda nɛ̂n kə turu Ndu le ang tokə baânn wa? Yeenn le to tuju ri Lubba.

Rɔmɛnje 3:27

Yeenn a, marə nɛ̂n-kɔsu gaji rɔ to bbay wa? Nɛ̂n kâra goto. Mba ddi wa? Mba dda nɛ̂n kə turu Ndu arə ddəw dəw ta kunda gue ang. Nɛ̂n kə̂ ngəng â to mə-kunn.

Rɔmɛnje 9:32

Mba ddi wa? Mba dəjəje to dâ ddeeje gatə gatə ddəw kula-ddade tə̂ bbo ddəw mə-kunn tə̂ ang. N̂-tukaje gɔlde ər tə̂ kə̂ dəwje aw tukaje gɔlde tə̂ aw osoje,

2 Kɔrɛntinyɛje 11:22

N̂-toje to Ebərəje, a əman kara m-to Ebərə tɔ. N̂-toje to dəwje kə̂ Ijarayɛl, a əman kara m-to dəw kə̂ Ijarayɛl tɔ. N̂-toje to ngaka Abaraham, a əman kara m-to ngoka Abaraham tɔ.

Galatəje 2:15

Jeje, gəl-kujuje tə̂ nu njaa n-toje to Jiipije. N-to kəsə gəl-dəwje kə̂ toje to njê-nɛ̂n-ddaje kə̂ maji ang nəənn le ang.

Epɛjinyɛje 2:11

Sese kə̂ dujuse to Jiipije ang le, Jiipije kə̂ dəwje â ujade ganja ndikije karə dəwje bbarde to njê-ganjaje. A daw bbarse to «njê-kuja ganja ang».

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.

Apokalisi 3:1

«Ə-dda makəturu ula nɛ̂n arə anjə kə̂ Egilisi tə̂ kə̂ Sardə ə-pa nan: «Tar kə̂ dəw kə̂ ee kə ndilje lə Lubba kə̂ siri kə əndɛtɛrɛndɛnje siri pa â nəənn: M-gərə kulaje kə̂ aw dda, dəwje ooje to isi kəm baa, a oy mban.

Apokalisi 3:9

Dəwje kə̂ eeje kəy mbɔn-naan tə̂ lə Satan aw ddaje rɔde to Jiipije, a n̂-toje to Jiipije ang. N̂-toje to njê-ngəmje. Mâ kungude mə jii tə̂ ngaâ mâ dda karə n̂-ddee dɔsuje məkəjə-gɔlde nɔin tə̂. Baann bba dâ gərəje to m-ndikii.