Rɔmɛnje 2:16 - Dɔnɔn kə̂ Siki: Tar kə̂ aw arə təbbə

¹⁶ Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

Rɔmɛnje 2:16 Iomraidhean Croise

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Luku 8:17

Mba nɛ̂n tɔyn kə̂ to lo-kiyɛ̂ tə̂ kə̂ a tee kə ddaka ang goto, nɛ̂n tɔyn kə̂ n̂-kusu dɔɛ̂ kə̂ a tee kəm dəwje tə̂ kə ddaka ang goto.

Tar kə̂ Maji kə̂ Jan dda makəturu tə̂ 12:48

Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Kulaje 10:42

Nunn ndu narəje karə jila mbər Tar kə̂ Maji jarə dəwje, ta n-pa jarəde to Lubba undɛ̂ to nje-gangə sariya dɔ dəwje tə̂ kə̂ isije kəm baa ddəm dɔ dəwje kə̂ oyje ddəm.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

Rɔmɛnje 2:5

A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.

Rɔmɛnje 3:6

Ndɔ kâra ang, mba bbo Lubba to gatə gatə ang a, nâ kasə gangə sariya dɔ dəwje tə̂ kə̂ duninya tə̂ tokə baânn wa?

1 Kɔrɛntinyɛje 15:1

Ngakɔnʼmje, m-ndiki ta kole məse dɔ Tar tə̂ kə̂ Maji kə̂ mila mbəre marəse ngaâ ə-taaje, aw uwaje arə ngəng le.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

Galatəje 1:11

Ngakɔnʼmje, m-pa marəse: Tar kə̂ Maji kə̂ mila mbəre marəse le in rɔ dəw tə̂ ang.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

2 Timɔte 2:8

Ole məi dɔ Jeju-Kristə tə̂ kə̂ oy a, ndol. N̂-to ngonn-ka Dabbiti tokə Tar kə̂ Maji kə̂ maw mila mbəre le pa.

2 Timɔte 4:1

Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Ebərəje 9:27

To ta karə dəw oy gɔl kâra baa. Goe tə̂ a, sariya a ddee.

1 Piyɛr 4:5

A dâ kɔru gəl nɛ̂n-ddaje ləde le nɔn Lubba tə̂ kə̂ to ngɔsi mba gangə sariya dɔ dəwje tə̂ kə̂ naynje kəm baa ddəm dəwje kə̂ oyje ddəm.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.