Rɔmɛnje 2:15 - Dɔnɔn kə̂ Siki: Tar kə̂ aw arə təbbə

¹⁵ N̂-tɔjuje to nɛ̂n kə̂ Ndu duju ta dda to məde tə̂ ngaâ kəjə ləde aw ɔru najɛ̂. Marə nɛ̂n kə̂ aw tɔju nɛ̂ɛnn tɔ to, dede njaa, marɛ̂jeenn a, kəjə ləde aw tɔjude to daw ddaje majang. Marɛ̂jeenn a, kəjə ləde aw tɔjude to daw ddaje nɛ̂n kə̂ maji.

Rɔmɛnje 2:15 Iomraidhean Croise

Tar kə̂ Maji kə̂ Jan dda makəturu tə̂ 8:9

Dəwje le ooje tarje le a, dɔtuje kâra kâra, unn kute dɔ dəwje tə̂ kə̂ tɔkə, ndərəng dɔ ngannje tə̂. A Jeju nayn kə karɛ̂ baa kə dɛnɛ̂n le, lo tə̂ kə̂ dundɛ̂ tə̂ le.

Kulaje 23:1

Pɔl aa kəm njê-gangəje sariya kə̂ uwaje dɔ naan le ngaâ pa nan: «Ngakɔnʼmje, kəjə kə̂ maji â maw nja nɛ̂n nɔn Lubba tə̂ ndərəng bbokənɛn nəənn.»

Kulaje 24:16

Yeenn bba, kə̂ ndɔ tɔyn maw sangə ddəw karə kəjə kə̂ maji dɔrɔ â to məm tə̂ nɔn Lubba tə̂ ddəm nɔn dəwje tə̂ ddəm.

Rɔmɛnje 2:14

A bbo marə dəwje kə̂ toje to Jiipije ang kə̂ gərəje Ndu lə Mɔyijə ang aw ddaje nɛ̂n kə turu Ndu le kə dɔde baa njaa a, yeenn tɔju to, Ndu le to məde tə̂ nu.

Rɔmɛnje 2:27

Dəw kə̂ dujɛ̂ ganja ang ngaâ aw bbəəl Ndu le a gangə sariya dɔi tə̂, əi kə̂ ee kə Ndu ngaâ dujai ganja, a ə-bbəəl Ndu le ang.

Rɔmɛnje 9:1

Ddəw mə-kâra tə̂ kə̂ m-dda kə Kristə le, tar kə̂ tɔkɔrɔ â maw pa bbo mərə ngəm ang. Ndil-mə-nda ɔn dɔm arə kəjə ləm tɔjum to maw pa tar kə̂ tɔkɔrɔ.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 5:11

N-gərə nɛ̂n kə̂ to bbəəl Əbbə-dəwje kə majɛ̂. Ngaâ, n-sangə ddəw ta dda karə dəwje ndikije tə̂ kə tar ləje. Lubba gərəje kə majɛ̂ ngaâ munda məm to ə-gərəjeje kəjə tə̂ ləse kə majɛ̂ tɔ.

1 Timɔte 4:2

Dəwjeenn le ndəəmje ddəw mba dəwje kə̂ toje to njê-ngəmje, dede kə̂ tar kə̂ tade tə̂ to dang kə kula-ddade le. Kəjə-tar ləde to kə dɔgɔlɛ̂ ang tokə nɛ̂n kə dula nɛ̂n poro darə kasɛ bba dɔru nɛ̂n kəjə ləde le.

Titə 1:15

Dəwje kə̂ nɛ̂n-yərəw ɔrude ang, nɛ̂n tɔyn to nɛ̂n-yərəw mbade ang. A dəwje kə̂ nɛ̂n-yərəw to məde tə̂ ngaâ mbətəje ta kunn məde, nɛ̂n kâra maji mbade ang, mba nɛ̂n-yərəw tuju nɛ̂n-gərə ləde ddəm kəjə ləde ddəm.