Rɔmɛnje 2:14 - Dɔnɔn kə̂ Siki: Tar kə̂ aw arə təbbə

¹⁴ A bbo marə dəwje kə̂ toje to Jiipije ang kə̂ gərəje Ndu lə Mɔyijə ang aw ddaje nɛ̂n kə turu Ndu le kə dɔde baa njaa a, yeenn tɔju to, Ndu le to məde tə̂ nu.

Rɔmɛnje 2:14 Iomraidhean Croise

Kulaje 10:35

Horo gəl-dəwje tə̂ tɔyn, dəw kə̂ bbəəl Lubba ddəm dda nɛ̂n kə̂ gatə gatə ddəm a, a ddee maji kəm Lubba tə̂.

Kulaje 14:16

Dɔ ndɔje tə̂ kə̂ ndayje, Lubba inya ddəw arə gəl-dəwje tɔyn ddaje nɛ̂n kə̂ məde ndiki.

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Rɔmɛnje 1:32

N̂-gərəje sariya-yo kə̂ Lubba aw gangə dɔ dəwje tə̂ kə̂ baann kə majɛ̂, a daw ddaje nɛ̂njeenn le ddəm n̂-ndikije tə̂ kə dəwje kə̂ aw ddaje nɛ̂njeenn le ddəm.

Rɔmɛnje 2:12

Dəwje tɔyn kə̂ gərəje Ndu lə Mɔyijə ang ngaâ aw ddaje majang, n̂-gərəje Ndu lə Mɔyijə le ang njaa, a dâ koyje. A dəwje tɔyn kə̂ gərəje Ndu le kə majɛ̂, a aw ddaje majang, dâ gangə sariya dɔde tə̂ ddəw Ndu tə̂ lə Mɔyijə le.

Rɔmɛnje 2:15

N̂-tɔjuje to nɛ̂n kə̂ Ndu duju ta dda to məde tə̂ ngaâ kəjə ləde aw ɔru najɛ̂. Marə nɛ̂n kə̂ aw tɔju nɛ̂ɛnn tɔ to, dede njaa, marɛ̂jeenn a, kəjə ləde aw tɔjude to daw ddaje majang. Marɛ̂jeenn a, kəjə ləde aw tɔjude to daw ddaje nɛ̂n kə̂ maji.

Rɔmɛnje 2:27

Dəw kə̂ dujɛ̂ ganja ang ngaâ aw bbəəl Ndu le a gangə sariya dɔi tə̂, əi kə̂ ee kə Ndu ngaâ dujai ganja, a ə-bbəəl Ndu le ang.

1 Kɔrɛntinyɛje 11:14

Nɛ̂nje kə̂ Lubba dda njaa kara tɔjuse to, bbo biin-dɔ dingaw ngal a, to nɛ̂n-rɔ-kul laa.

1 Kɔrɛntinyɛje 9:21

Ddəw kâra baa, bbo misi kə dəwje kə̂ gərəje Ndu lə Mɔyijə ang a, m-dda tokə dəw kə̂ gərə Ndu le ang tɔ, mba kinga nɛ̂n de. Tɔkɔrɔ m-gərə ndu lə Lubba, mba maw dda nɛ̂n kə turu ndu Kristə.

Epɛjinyɛje 2:12

Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.