Rɔmɛnje 2:13 - Dɔnɔn kə̂ Siki: Tar kə̂ aw arə təbbə

¹³ Mba dəwje kə̂ ooje Ndu lə Mɔyijə kə mbide to koo baa toje gatə gatə kəm Lubba tə̂ ang. Njê kə̂ ddaje nɛ̂n kə turu Ndu le bba Lubba a karə n̂-ddeeje gatə gatə kəmɛ̂ tə̂.

Rɔmɛnje 2:13 Iomraidhean Croise

Luku 18:14

M-pa marəse, nje-taa narɛ lambo le ddee to dəw kə̂ gatə gatə kəm Lubba tə̂ ngaâ təl kəy laa, a Parijinyɛ le ddee to dəw kə̂ gatə gatə ang. Mba dəw kə̂ ndiki koo rɔɛ̂ bo a, Lubba a karə n̂-ddee tɛn baa ngaâ dəw kə̂ oo rɔɛ̂ tɛn baa a, Lubba a karə n̂-ddee bo.»

Luku 8:21

A nilade tə̂ nan: «Kɔnʼmje kə ngakɔnʼmje â toje to nje kə̂ ooje tar lə Lubba, a ddaje nɛ̂n kula.»

Tar kə̂ Maji kə̂ Jan dda makəturu tə̂ 13:17

Bbasinɛn, ə-gərəje nɛ̂ɛnn le ngaa. Bbo ə-ddaje nɛ̂ɛnn le a rɔ-nəəl to ləse.

Kulaje 13:39

Ddəw tə̂ lə Jeju bba dəw kə̂ unn məɛ̂ a, tar majang ɔru dɔɛ̂ tə̂.

Rɔmɛnje 10:5

Mɔyijə dda tar ddee gatə gatə kəm Lubba tə̂ le Makəturu tə̂ nan: «Dəw kə̂ dda nɛ̂n kə turu Ndu a kisi kə təbbə ɔju dɔ Ndu le.»

Rɔmɛnje 2:25

Tɔkɔrɔ, bbo əi Jiipi aw dda nɛ̂n kə̂ Ndu duju a, ganja kə̂ dujai to nɛ̂n kə̂ maji. A bbo dujai ganja bba ə-dda nɛ̂n kə̂ Ndu duju ang a, ə-to ddəw kâra baa kə dəw kə̂ dujɛ̂ ganja ang.

Rɔmɛnje 3:20

Mba yeenn bba, dəw kâra kə̂ a dda nɛ̂n kə turu Ndu ta to nɛ̂n gatə gatə kəm Lubba tə̂ goto. Tɔkɔrɔ, Ndu arə ddəw dəw ta gərə majang laa njaa, a bbayɛ̂.

Rɔmɛnje 3:23

Dəwje tɔyn ddaje majang arə dasəje piti lə Lubba ang.

Rɔmɛnje 3:30

mba Lubba kâra baa. Jiipije wase kəsə dəwje kara, ne â nâ dda karə n̂-ddeeje gatə gatə ɔju dɔ mə-kunn ləde.

1 Kɔrɛntinyɛje 4:4

Kəjə ləm jɔkəm mba marə nɛ̂n kâra ang. A m-ddee to dəw kə̂ gatə gatə mba yeenn ang. Nje-gangə sariya dɔm tə̂ to Əbbə-dəwje.

Galatəje 2:16

N-gərə to dəw ddee gatə gatə kəm Lubba tə̂ ddəw məɛ̂ tə̂ kə̂ nunn narə Jeju-Kristə, bbo ddəw ngəm Ndu tə̂ ang. Mba yeenn bba, jeje njaa kara junn məje jarə Jeju-Kristə ta ddee to dəwje kə̂ gatə gatə kəm Lubba tə̂, ddəw mə-kunn tə̂ bbo ddəw ngəm Ndu tə̂ ang. Mba, dəw a kasə ddee gatə gatə kəm Lubba tə̂ ddəw ngəm Ndu tə̂ ang.

Galatəje 5:4

Sese kə̂ aw sangəje ta ddee gatə gatə kəm Lubba tə̂ ddəw Ndu tə̂ le ə-tinje naan kə Kristə mban. Mə-maji lə Lubba to mbase ang ngaa.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

1 Jan 2:29

Bbo ə-gərəje to Kristə to gatə gatə a, maji karə ə-gərəje tɔ to, dəwje kə̂ ddaje nɛ̂n kə̂ gatə gatə toje to ngannje lə Lubba.

1 Jan 3:7

Ngannje, arəje dəw ərəse ang. Dəw kə̂ dda kula kə̂ gatə gatə to gatə gatə tokə Jeju-Kristə to gatə gatə le.