Rɔmɛnje 2:1 - Dɔnɔn kə̂ Siki: Tar kə̂ aw arə təbbə

¹ A əi kə̂ aw gangə sariya dɔ njê-marije tə̂ le, ə-to nân wa kara tar a kɔru dɔi tə̂ ang. Sariya kə̂ aw gangə dɔ njê-marije tə̂ le, nayn to əi njaa aw gangə sariya dɔi tə̂ənn, mba əi kara aw dda nɛ̂n tokə lə njê-marije le tɔ.

Rɔmɛnje 2:1 Iomraidhean Croise

Luku 12:14

Jeju ilɛ̂ tə̂ nan: «Dingaw, nân bba undam to nje-gangə sariya horose tə̂ wase to nje-kaynse nɛ̂n wa?»

Luku 19:22

Əbbeeje le pa arɛ̂ nan: ‹Nje-kula kə̂ maji ang, tar kə̂ tai tə̂ njaa mâ gangə nɛ̂n sariya dɔi tə̂. Ə-gərə to m-to dəw kə̂ kətərə nya. Nɛ̂n kə̂ mila ang kara munn ddəm nɛ̂n kə̂ m-dubbu ang kara muja kandɛ̂ ddəm.

Luku 6:37

«Maji karə ə-gangəje sariya dɔ dəw tə̂ ang, a Lubba a gangə sariya dɔse tə̂ ang tɔ. Undaje tar dɔ dəw tə̂ ang, a Lubba a kunda tar dɔse tə̂ ang tɔ. Ɔruje tar dɔ dəwje tə̂, a Lubba a kɔru tar dɔse tə̂ tɔ.

Rɔmɛnje 14:22

Mə-kunn ləi le ə-ngəm to ləi njaa hori tə̂ kə Lubba. Maji arɛ̂, ne dəw kə̂ nunn rɔɛ̂ ta dda marə nɛ̂n a, kəjə laa unda tar dɔɛ̂ tə̂ ang.

Rɔmɛnje 2:2

Mba n-gərə to Lubba aw gangə sariya ddəw tar tə̂ kə̂ tɔkɔrɔ dɔ dəwje tə̂ kə̂ aw ddaje nɛ̂n kə̂ baann.

Rɔmɛnje 2:3

Əi aw gangə sariya dɔ dəwje tə̂ kə̂ aw ddaje nɛ̂nje kə̂ baann kə̂ əi kara aw dda tɔ. A əi, əjə to â tee ta sariya tə̂ lə Lubba wa?

Rɔmɛnje 3:9

Ddi wa? Jee Jiipije juta kəsə dəwje wa? Baann ang! M-tɔju kə ddaka mban to Jiipije ddəm Gɛrɛkəje ddəm dede tɔyn njaa majang ɔn dɔde.

Rɔmɛnje 9:20

Əi, ə-to nân bba a kasə ta mayn tar kə Lubba wa? Jo kə̂ dubba to kubba a kasə ta pa karə nje-kubbɛ̂ le nan: «Mba ddi bba ubbam tokə be wa?» Baann ang.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

1 Kɔrɛntinyɛje 7:16

Əi dɛnɛ̂n kə̂ oo məi tə̂, ə-gərə tokə baânn bba â kaji ngawije wa? Wase əi dingaw kə̂ oo məi tə̂, ə-gərə tokə baânn bba â kaji dɛnɛ̂n ləi wa?

Jakə 2:20

A əi, dəw kə̂ baa be, maji karə ə-gərə to mə-kunn kə̂ kulɛ̂ goto dda nɛ̂n kâra ang.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.