Rɔmɛnje 16:4 - Dɔnɔn kə̂ Siki: Tar kə̂ aw arə təbbə

⁴ Dunnje rɔde dilaje kɔrɔ̂ bba n̂-teeje səm ta yo tə̂. Marəde wooyo kə karəm baa ang, Egilisije lə dəwje tɔyn kə̂ toje to Jiipije ang kara arəde wooyo tɔ.

Rɔmɛnje 16:4 Iomraidhean Croise

Tar kə̂ Maji kə̂ Jan dda makəturu tə̂ 15:13

Bbo dəw unn təbbə laa arə mba dəwje kə̂ n̂-ndikide a, ndiki kə̂ uta yeenn goto.

Kulaje 15:26

N̂-toje to dəwje kə̂ ilaje rɔde kɔrɔ̂ mba kula lə Əbbə-dəwje Jeju-Kristə.

Kulaje 15:41

Pɔl nday nangə tə̂ kə̂ Siri kə Silisi, n̂-ndəjə dəwje kə̂ Egilisije tə̂ le karə duwaje mə-kunn ləde darə ngəng.

Kulaje 16:5

Egilisije aw sangəje ddəw mə-kunn tə̂ ngaâ kə ndɔ kâra kâra kɔr njê-mə-kunnje aw banya kə kete kete.

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

Rɔmɛnje 16:3

Ə-ddaje lapiya Pirisil de kə Akilas kə̂ toje to njê-kula marəmje kula tə̂ lə Jeju-Kristə.

Rɔmɛnje 16:5

Ə-ddaje lapiya Egilisi kə̂ to mə kəyje tə̂ ləde le tɔ. Ə-ddaje lapiya Əpaynɛtə ngokɔnʼm kə̂ m-ndike nya, kə̂ to dɔngɔr dəw kə̂ Aji tə̂ kə̂ unn məɛ̂ arə Kristə.

Rɔmɛnje 5:7

Ta karə dəw oy mba dəw kə̂ gatə gatə to nɛ̂n ndam ang. A du ang, marə dəw a ndiki ta koy mba dəw kə̂ to nje-nɛ̂n-dda kə̂ maji.

1 Kɔrɛntinyɛje 16:1

Tar kə̂ ɔju dɔ nɛ̂n-mbɔn mba njê-mə-kunnje kə̂ Jerujalɛm le, maji karə sese kara, ə-ddaje kə turu ndu kə̂ munn marə Egilisije kə̂ Galasi le.

1 Kɔrɛntinyɛje 7:17

Tar kə̂ ta kila dɔ marɛ̂ tə̂ â nəənn. Maji karə dəw kâra kâra nayn kə kisi laa kə̂ Əbbə-dəwje arɛ̂ karə nisi nɛ̂n, kisi kə̂ nisi nɛ̂n kete bba Lubba bbarɛ̂ le. Yeenn to ndu kə̂ munn marə Egilisije tɔyn.

Pilipinyɛje 2:30

mba nayn tɛn baa a noy mba kula lə Kristə. Nila rɔɛ̂ kɔrɔ̂ mba kumanʼm kula tə̂ kə̂ sese njaa ingaje ddəw ta kumanʼm tə̂ ang.

1 Tesalonisinyɛje 2:14

Ngakɔnje kə̂ Tesalonikə, ə-ndajije nɛ̂n-dda lə dəwje kə̂ Egilisi tə̂ kə̂ nangə tə̂ kə̂ Jude mban, dede kə̂ dooje məde tə̂ kə Jeju-Kristə le. Dede le dooje ndoo ji Jiipije tə̂, a bbasinɛn sese kara njê kə̂ ləse njaa aw ula kəmse ndoo tə̂ tokə baann tɔ.

1 Jan 3:16

Nɛ̂n kə̂ tɔju ndiki le â nəənn: Jeju unn təbbə laa ila kɔrɔ̂ mbaje. Baann a, maji karə jeje kara jarəje təbbə ləje mba ngakɔnje tɔ.

Apokalisi 1:4

Əman Jan, mula kə makəturu nəənn marə dəwje kə̂ Egilisije tə̂ siri kə̂ nangə tə̂ kə̂ Aji. Maji karə Lubba kə̂ to bbokənɛn nəənn, kə̂ to ləw, kə̂ aw ddee dda kə se mə-maji ngaâ narə məse wul lɔm. Maji karə ndilje kə̂ siri kə̂ arje nɔn ngende-mbay tə̂ laa ddaje kə se tokə baann.