Rɔmɛnje 16:21 - Dɔnɔn kə̂ Siki: Tar kə̂ aw arə təbbə

²¹ Timɔte kə̂ to nje-kula marəm ddase lapiya. Lusiyus kə Jajɔn de kə Sosipatɛr kə̂ n̂-toje to nujuje ləm, n̂-ddase lapiya tɔ.

Rɔmɛnje 16:21 Iomraidhean Croise

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

Kulaje 17:14

Njangə baa a, njê-mə-kunnje arəje Pɔl unn ddəw ər kə ta tɔkə ba tə̂, a Silas de kə Timɔte n̂-naynje tə̂ənn.

Kulaje 17:5

A Jiipije kə̂ mə ddade mbɔnje dəwje kə̂ toje to njê-dɔ-gotoje kə̂ aw njaje go ddəw tə̂ baa, dɔsuje kutu dəwje kə̂ banya ngaâ n̂-yəkəje lo darə ddekeke goto mə bbe tə̂ le.

Kulaje 18:5

Silas de kə Timɔte dinje Maseduwann n̂-teeje a, Pɔl unn rɔɛ̂ tɔyn mba tɔju tar lə Lubba. N̂-pa narə Jiipije nan Jeju le njaa to Mesi.

Kulaje 19:22

Yeenn bba, nula marə njê kə̂ aw umɛ̂nje kula tə̂ joo Maseduwann, Timɔte kə Erastə, a ne n̂-nayn nangə tə̂ kə̂ Aji ndɔ ngaji bbay.

Kulaje 20:4

Dəwje kə̂ dannɛ̂je to Sopatɛr kə̂ to ngonn lə Pirus kə̂ bbe laa Bere, Aristarkə de kə Sekundus kə̂ bbe laa Tesalonikə, Gayus kə̂ bbe laa Dɛrbə, Timɔte kə Tisikə de kə Toropim kə̂ n̂-toje to dəwje kə̂ ngann bbeje tə̂ kə̂ Aji.

Rɔmɛnje 16:11

Ə-ddaje lapiya Erodiyɔn kə̂ to nuju ləm kə dəwje kə̂ mə kəy tə̂ lə Narsis kə̂ ooje məde tə̂ kə Əbbə-dəwje.

Rɔmɛnje 16:7

Ə-ddaje lapiya Andronikus de kə Juniyas. N̂-toje to nujuje ləm ddəm njê-buwa to kəy-kula tə̂ marəmje ddəm. N̂-toje to marə njê-kaw-kulaje kə̂ dəwje gərəjede nya. Dunnje məde darə Kristə kete darəm.

Rɔmɛnje 9:3

Kə̂ məm tə̂, m-ndiki karə əman njaa Lubba ubbu nɛ̂n arəm ngaâ ɔrum kə ddang ji Kristə tə̂ mba tar kaji lə ngakɔnʼmje kə̂ gəlje kâra baa.

2 Kɔrɛntinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, əman kə ngokɔnje Timɔte, n-dda makəturu nəənn jarə Egilisi lə Lubba kə̂ to Kɔrɛntə ddəm jarə dəwje lə Lubba kə̂ isije nangə tə̂ kə̂ Akay tɔyn ddəm.

2 Kɔrɛntinyɛje 1:19

Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

Kolosinyɛje 1:1

Əman Pɔl kə̂ Lubba ndiki tə̂ arə m-ddee to nje-kaw-kula lə Jeju-Kristə kə ngokɔnʼm Timɔte,

1 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Lubba kə̂ Bɔ ddəm lə Əbbə-dəwje Jeju-Kristə ddəm. Maji karə Lubba arə məse wul lɔm ngaâ n̂-dda kə se mə-maji.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.

1 Tesalonisinyɛje 3:6

A bbasinɛn Timɔte le in rɔse tə̂ təl ngaa. N̂-pa tar kə̂ maji dɔ mə-kunn tə̂ ləse kə dɔ ndiki tə̂ kə̂ to məse tə̂ narəje. N̂-pa narəje nan aw əjəjeje dɔje tə̂ kə ndɔ tɔyn ngaâ maal kooje aw ddase tokə jeje kara maal təl koose aw ddaje le tɔ.

2 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Bɔjeje Lubba kə lə Əbbə-dəwje Jeju-Kristə.

1 Timɔte 1:2

M-dda makəturu nəənn mula nɛ̂n mari, əi Timɔte kə̂ ə-to ngonnəm kə̂ tɔkɔrɔ, ddəw mə-kunn tə̂. Maji karə Lubba kə̂ Bɔ kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

2 Timɔte 1:2

M-dda makəturu nəənn mula nɛ̂n mari, əi ngonnəm Timɔte kə̂ m-ndikii nya. Maji karə Lubba kə̂ Bɔ, de kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

Ebərəje 13:23

M-ndiki ta karə ə-gərəje to dɔru ngokɔnje Timɔte kəy-kula tə̂ mban. Bbo n̂-ddee njangə a, əman je saa ja kaw koose.