Rɔmɛnje 16:2 - Dɔnɔn kə̂ Siki: Tar kə̂ aw arə təbbə

² Ə-tɛɛ̂je kə rɔse tə̂ kə ri Əbbə-dəwje tokə njê-mə-kunnje aw ddaje le. Nɛ̂n tɔyn kə̂ n̂-dujuse karə umɛ̂nje tə̂ a, umɛ̂nje tə̂. Mba numan dəwje nya ddəm əman njaa kara numanʼm ddəm.

Rɔmɛnje 16:2 Iomraidhean Croise

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Kulaje 9:13

Ananiyas le ila tə̂ nan: «Əbbəmje, dəwje nya paje tar nɛ̂nje kə̂ maji ang tɔyn kə̂ dəw nəənn dda kə dəwje ləi Jerujalɛm.

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Kulaje 9:36

Mə bbe tə̂ kə̂ Jope, marə dɛnɛ̂n kə̂ to nje-nja go Jeju tə̂ ee tə̂ənn. Ria nan Tabita. Daw bbar Tabita le kə ndɔn-tar gerekə nan Dɔrkas. Kandə ri le nan: Dul. Kula kə̂ maji dɔrɔ â n̂-dda ngaâ naw narə nɛ̂n njê-ndooje naw numan nɛ̂n de tɔ.

Kulaje 9:39

Piyɛr aw kə de kə ngɔru ngaâ n̂-tee a, darə naw mə kəy tə̂ kə̂ to dɔ marɛ̂ tə̂ taar le. Dɛnɛ̂n-ndubbaje aw nɔnje ddeeje nɛ̂n rɔ Piyɛr tə̂. N̂-tɔjɛ̂je kubbuje kə̂ to dɔɛ̂ kə kubbu kulje kə̂ Dɔrkas le uju kar tə̂ kə̂ n̂-nayn nɛ̂n kə de baa bbay.

Kulaje 9:41

Piyɛr ula jia uwɛ̂ nɛ̂n arə nin taar ngaâ bbar njê-mə-kunnje kə dɛnɛ̂n-ndubbaje tɔjude Dɔrkas le kəm baa.

Rɔmɛnje 15:7

Maji karə ə-taaje naan kə rɔ naan tə̂ mba kɔsu nɛ̂n gaji Lubba tokə Kristə kə̂ taase kə rɔɛ̂ tə̂ le.

Rɔmɛnje 16:15

Ə-ddaje lapiya Pilologə, Juli kə Nere de kə kɔn-nannɛ̂ kə Olɛmpas kə njê-mə-kunnje tɔyn kə̂ isije kə de.

Rɔmɛnje 16:23

Əman Pɔl m-pa marəse, Gayus kə̂ m-to kəy laa kə Egilisi kə̂ to kəy laa ddase lapiya. Erastə kə̂ to nje-ngəm narɛ kə̂ bbe tə̂ le ddase lapiya. Ngokɔnje Kartus ddase lapiya tɔ. [

Rɔmɛnje 16:6

Ə-ddaje lapiya Mari arəmje. N̂-dda kula mbase nya.

Rɔmɛnje 16:9

Ə-ddaje lapiya Urbɛn kə̂ to nje-kula-marəje kula tə̂ lə Kristə, ne kə Estakis kə̂ m-ndike nya.

Epɛjinyɛje 5:3

Ə-toje to dəwje lə Lubba. Mba yeenn bba, maji karə dəw bbar ri nɛ̂nje tokə kaya, nɛ̂n-yərəw, kunda kəm-nda horose tə̂ ang.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 2:29

Maji karə ə-tɛɛ̂je kə rɔse tə̂ kə rɔ-nəəl ddəw mə-kâra tə̂ kə n-dda kə Əbbə-dəwje. Maji karə ə-walje dəwje kə̂ toje tokə laa nəənn,

Kolosinyɛje 4:10

Aristarkə kə̂ to nje-kəy-kula marəm kə Markə kə̂ to ngonn-nann Barnabas n̂-ddajese lapiya. Ingaje ndu ɔju dɔ Markə le mban. Yeenn bba bbo n̂-tee horose tə̂ a, ə-tɛɛ̂je kə rɔse tə̂ kə majɛ̂.

1 Timɔte 2:10

A maji karə kulaje kə̂ maji â dɛnɛ̂nje ulaje to kubbu. Nɛ̂n kə̂ baann â asə karə dɛnɛ̂nje kə̂ unnje ndude ta bbəəl Lubba ddaje.

2 Timɔte 1:18

Maji karə Əbbə-dəwje oo kəm-to-ndoo laa ndɔ tə̂ kə̂ Lubba a gangə nɛ̂n sariya. Ə-gərə nɛ̂nje kə̂ maji tɔyn kə̂ n̂-dda səm Epɛjə le kə majɛ̂.

Titə 2:3

Ddəw kâra baa, ə-pa arə dɛnɛ̂nje kə̂ tɔkəje ngəmje pa-nja ləde to dəwje kə̂ unnje rɔde dang mba dda kula lə Lubba. Maji karə n̂-toje to njê-nanɛnje ang ddəm n̂-toje to bbərəje lə koto ang ddəm. Maji karə nɛ̂n kə̂ maji â n̂-tɔjuje.

Pilemɔn 1:12

Mâ karə n̂-təl rɔi tə̂, ne kə̂ n̂-nayn to dəbbə rɔm njaa le.

Pilemɔn 1:17

Mba yeenn bba, bbo əjə to m-to nami a, ə-tɛɛ̂ kə rɔi tə̂ tokə əman â ə-taam kə rɔi tə̂.

2 Jan 1:10

Bbo dəw ddee rɔse tə̂ ngaâ tɔjuse marə nɛ̂n-tɔju kə̂ dang a, ə-ddɛɛ̂je lapiya ang ddəm ə-tɛɛ̂je kə kəy ləse ang ddəm.