Rɔmɛnje 15:8 - Dɔnɔn kə̂ Siki: Tar kə̂ aw arə təbbə

⁸ M-pa marəse, Lubba aw dda nɛ̂n kə turu ndue. Mba yeenn bba Kristə ddee nɛ̂n to nje-kula lə Jiipije bba karə ndu Lubba kə̂ unn arə kajejedede ddee nɛ̂n to nɛ̂n kə̂ tɔkɔrɔ.

Rɔmɛnje 15:8 Iomraidhean Croise

Matiye 15:24

A Jeju ilade tə̂ nan: «Ngann Ijarayɛlje kə̂ toje tokə ngann batəje kə̂ naynje kɔrɔ̂ â Lubba ulam mbade a bbayɛ̂.»

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Tar kə̂ Maji kə̂ Jan dda makəturu tə̂ 1:11

Tar le ddee bbeê laa njaa, a njê kə̂ bbeê laa le tɛɛ̂je kə rɔde tə̂ ang.

Tar kə̂ Maji kə̂ Jan dda makəturu tə̂ 10:16

Marə batəje ləm toje bbay kə̂ eeje mə singa tə̂ nəənn ang. Dede kara, to tar ləm ta ddee kə de. Dâ kooje ndum. Baann bba kusu batəje a to kâra baa ngaâ nje-ngəmde a to kâra baa tɔ.

Kulaje 13:46

Pɔl de kə Barnabas n̂-paje tar kə bbəəl ang darəde nan: «Sese â, to ta karə ə-toje to dɔngɔr dəwje kə̂ ja pa tar lə Lubba nəənn karəse. A ə-mbətəje tar le ngaâ sese njaa ə-təlje ooje rɔse to dəwje kə̂ asəje ta kinga təbbə kə̂ to kə ndɔ kə ndɔ ang. Yeenn bba, n-turu kəmje kə rɔ dəwje tə̂ kə̂ toje to Jiipije ang ngaa.

Rɔmɛnje 11:22

Maji karə ə-gərə to Lubba to nje-dda maji ddəm nje-gangə sariya kə̂ ngəng ddəm. N̂-gangə sariya kə̂ ngəng dɔ dəwje tə̂ kə̂ mbətəje ta koo məde tə̂ ngaâ n̂-dda səi mə-maji. Bbo ə-nayn ddəw mə-maji tə̂ le ang a, nâ kɔri kə guku tɔ.

Rɔmɛnje 11:30

Ləw ə-mbətəje ta koo ta Lubba, a bbasinɛn Lubba oo kəm-to-ndoo ləse mba Jiipije kə̂ mbətəje ta koo tɛɛ̂.

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

Rɔmɛnje 3:3

Tɔkɔrɔ njaa, marɛ̂je horode tə̂ ngəmje mə-kunn ləde ang. A yeenn â, a dda karə Lubba tusu nɛ̂n nɛ̂n kə̂ nunn ndue ta dda le ninya wa?

Rɔmɛnje 4:16

Yeenn a, Lubba a karə dəwje nɛ̂nje kə̂ nunn ndue ta karə le ddəw mə-kunn tə̂. Baann bba nɛ̂n le a to nɛ̂n kə̂ dinga baa ddəw mə-maji tə̂ laa. N̂-ndiki ta karə nɛ̂n le ngaka Abaraham tɔyn. Nɛ̂n le to mba dəwje kə̂ eeje kɔ Ndu tə̂ kə karəde baa ang. To mba dəwje tɔyn kə̂ ooje məde tə̂ saa tokə Abaraham kə̂ oo məɛ̂ tə̂ le. Abaraham to bɔjeje tɔyn,

1 Kɔrɛntinyɛje 1:12

Nɛ̂n kə̂ mâ ta pa karəse â nəənn. Horose tə̂, marɛ̂ pa nan: «Əman m-to dəw lə Pɔl», marɛ̂ pa nan: «Əman m-to dəw lə Apolos», marɛ̂ pa nan: «Əman m-to dəw lə Piyɛr», marɛ̂ pa bbay nan: «Əman m-to dəw lə Kristə.»

1 Kɔrɛntinyɛje 10:19

Yeenn mâ ta pa nan ddi wa? Da kə̂ n̂-polo nɛ̂n kɔr to marə nɛ̂n wase kɔr to marə nɛ̂n wa?

1 Kɔrɛntinyɛje 10:29

Maw pa tar nəənn mba kəjə lə dəw le kə̂ a jɔkɛ̂ bbo maw pa mba kəjə ləse ang. A mba ddi bba kəjə lə dəw a gangə sariya dɔ nɛ̂n tə̂ kə̂ ddəw ɔru arəm karə m-dda wa?

1 Kɔrɛntinyɛje 15:50

Ngakɔnʼmje, nɛ̂n kə̂ m-ndiki ta pa â nəənn: Da-rɔ dəw a kasə ta kandə mə Bbe-kɔn tə̂ lə Lubba ang. Nɛ̂n kə̂ aw oy a kasə ta nayn kə təbbə kə̂ to kə ndɔ kə ndɔ ang.

2 Kɔrɛntinyɛje 1:20

Ddəw tə̂ lə Jeju le â Lubba pa nan «An än» ta karə nɛ̂n je nɛ̂nje tɔyn kə̂ ne njaa nunn ndue ta karəje le. Ddəw tə̂ laa tɔ a, jeje kara n-pa nan «Amɛnn» jarə Lubba ta kɔsu nɛ̂n gajɛ̂.

Epɛjinyɛje 2:12

Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.