Rɔmɛnje 15:3 - Dɔnɔn kə̂ Siki: Tar kə̂ aw arə təbbə

³ Mba Kristə le, nɛ̂n kə̂ nəəle â sangə ang. A Makəturu lə Lubba pa nan: «Nɛ̂n-tajije kə̂ dəwje aw tajije oso dɔm tə̂.»

Rɔmɛnje 15:3 Iomraidhean Croise

Matiye 10:25

Bbay nɛ̂n njaa to karə nje-nɛ̂n-ndo ddee tokə lə nje-nɛ̂n-tɔju laa wase nje-kula ddee tokə lə əbbeeje. Bbo dəwje bbarje nje-kəy nan Bɛljebul a, dâ kunda ri kə̂ maji ang uta yeenn dɔ ngann njê-kəyje tə̂.»

Matiye 26:39

Goe tə̂ a, n̂-ngəsə kə kete tɛn be ngaâ n̂-tee noso kə ta məɛ̂, n̂-dəbbə kəmɛ̂ nangə̂ ngaâ n̂-duju Lubba n̂-pa nan: «Bɔy, bbo ddəw to a, uta əngo kəm-to-ndoo nəənn kə ddang. A ə-dda tokə məi ndiki bbo tokə məm ndiki ang.»

Matiye 26:42

Jeju təl aw ddəw əw bbay aw nduju Lubba nan: «Bɔy, bbo əngo nəənn le to ta karə may njaa, bbo ddəw kə̂ â kɔru nɛ̂n kə ddang goto a, maji karə ə-dda nɛ̂n kə̂ məi ndiki.»

Matiye 27:44

Njê-bbokoje kə̂ n̂-bbərəde kakə-dəsəje tə̂ le tajɛ̂je tokə baann tɔ.

Tar kə̂ Maji kə̂ Jan dda makəturu tə̂ 15:10

Bbo ə-ngəmje nduje ləm a, mâ nayn kaw ndikise. Ddəw kâra baa tokə m-ngəm nduje lə Bɔmje ngaâ nayn aw ndikim.

Tar kə̂ Maji kə̂ Jan dda makəturu tə̂ 15:24

Bbo m-dda nɛ̂nje kə̂ dəw dda ndɔ kâra ang horode tə̂ ang a, tar majang a to dɔde tə̂ ang. A bbasinɛn, dooje nɛ̂nje kə̂ m-dda, a n̂-mbətəmje ddəm n̂-mbətəje Bɔmje ddəm.

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Tar kə̂ Maji kə̂ Jan dda makəturu tə̂ 5:30

«Əman, masə ta dda marə nɛ̂n kâra kə dɔm baa ang. Maw gangə sariya kə turu ndu Bɔ ngaâ sariya kə̂ maw gangə to kə dɔgɔlɛ̂. Mba nɛ̂n kə̂ məm ndiki â maw sangə ddəw ta dda ang. Nɛ̂n kə̂ mə dəw kə̂ ulam le ndiki â maw sangə ddəw ta dda.

Tar kə̂ Maji kə̂ Jan dda makəturu tə̂ 6:38

Tɔkɔrɔ njaa, min darâ m-ddee ta dda nɛ̂n kə̂ mə dəw kə̂ ulam ndiki, bbo nɛ̂n kə̂ məm ndiki â m-ddee ta dda ang.

Tar kə̂ Maji kə̂ Jan dda makəturu tə̂ 8:29

Dəw kə̂ ulam ee səm. Ninyam kə karəm baa ang, mba maw dda nɛ̂n kə̂ nəəle kə ndɔ tɔyn.»

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

Pilipinyɛje 2:5

Maji karə pa-nja ləse horo naan tə̂ to ddəw kâra baa kə pa-nja lə Jeju-Kristə:

Pilipinyɛje 2:8

N̂-dda rɔɛ̂ ngaji baa. Noo ndu Lubba ndərəng, noy nɛ̂n yo kə̂ dɔ kakə-dəsə tə̂.