Rɔmɛnje 15:2 - Dɔnɔn kə̂ Siki: Tar kə̂ aw arə təbbə

² Maji karə jeje kâra kâra n-sangəje ddəw ta nəəl kəm ngakɔnje tə̂ mba kisi maji ləde. Yeenn bba ja ddaje karə njê-mə-kunnje sangəje kə kete ddəw mə-kunn tə̂.

Rɔmɛnje 15:2 Iomraidhean Croise

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

1 Kɔrɛntinyɛje 10:23

Marə dəwje paje nan: Ddəw ɔru arəm karə m-dda nɛ̂n tɔyn. A nɛ̂n tɔyn njaa maji to maji dɔrɔ ang. Dəw ee kə ddəw ta dda nɛ̂n tɔyn, a nɛ̂n tɔyn njaa dda maji kə Egilisi ang.

1 Kɔrɛntinyɛje 10:24

Maji karə dəw sangə kisi maji laa kə karɛ̂ baa njaa ang. Maji karə n̂-sangə kisi maji lə nje-marɛ̂ tɔ bba.

1 Kɔrɛntinyɛje 10:33

Mba yeenn bba, maw sangə ddəw ta ddee maji kəm dəwje tə̂ tɔyn, ddəw nɛ̂nje tə̂ tɔyn. Maw sangə kisi maji lə dəwje tokə banya, mba karə dingaje kaji bbo maw sangə kisi maji ləm njaa ang.

1 Kɔrɛntinyɛje 13:5

N̂-dda nɛ̂n-rɔ-kul ang, n̂-sangə kisi maji laa njaa ang, tar ɔɛ̂n ang, nuwa baan tar ang.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

1 Kɔrɛntinyɛje 14:3

A dəw kə̂ aw ila mbər tar lə Lubba, ila mbər le arə dəwje karə mə-kunn ləde sangə, karə dingaje singa ngaâ məde wul.

2 Kɔrɛntinyɛje 12:19

Aw əjəje ləw baa to jaw ko rɔje nɔnse tə̂ wa? Baann ang. Kəm Lubba tə̂, ddəw tə̂ lə Kristə â jaw pa tar nəənn. See ngakɔnje kə̂ n-ndikise nya, jaw pa tarje nəənn tɔyn jarəse bba karə mə-kunn ləse ubba singa.

2 Kɔrɛntinyɛje 13:9

Kar tɔyn kə̂ jeje jee kə singa ang, â bbo sese eeje nɛ̂n a, rɔje nəəlje. Nɛ̂n kə̂ jaw duju Lubba to, karə ə-ddeeje to dəwje kə̂ maji tɔyn.

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.