Rɔmɛnje 15:13 - Dɔnɔn kə̂ Siki: Tar kə̂ aw arə təbbə

¹³ Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

Rɔmɛnje 15:13 Iomraidhean Croise

Tar kə̂ Maji kə̂ Jan dda makəturu tə̂ 14:1

Jeju pa arə njê-njaje goe tə̂ nan: «Əjəje tar ang. Ooje məse tə̂ kə Lubba, ooje məse tə̂ səm tɔ.

Tar kə̂ Maji kə̂ Jan dda makəturu tə̂ 14:27

«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 14:17

Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

Rɔmɛnje 15:5

Maji karə Lubba kə̂ to nje-dda karə dəwje aw tɔje wurde ddəm nje-karə singa dəwje le ddəm dda arə asəje ta koo-ta-naan horose tə̂ tokə Jeju-Kristə tɔjuse.

1 Kɔrɛntinyɛje 2:4

Tarje ləm kə nɛ̂n-tɔjuje ləm to tokə lə dəwje kə̂ aw unnje tar kəm-karɛ lə dəwje bba aw buje nɛ̂n njê-marədeje ang. Lubba â tɔju ddəw singa-mɔngu tə̂ lə Ndil-mə-nda to tarje ləm toje to tar kə̂ tɔkɔrɔ.

2 Kɔrɛntinyɛje 9:8

Lubba ee kə singa ta karəse nɛ̂nje kə̂ maji dang dang tɔyn baa kə nangə̂. Baann bba karə nɛ̂n to jise tə̂ kə ndɔ tɔyn ddəm marə nɛ̂n kâra duse ang ddəm ngaâ karə ingaje marɛ̂ dɔɛ tə̂ ə-ddaje nɛ̂n-kulaje kə̂ maji tɔyn.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 1:2

Maji karə Bɔjeje Lubba kə Əbbəjeje Jeju-Kristə n̂-ddaje kə se mə-maji ddəm darə məse wul lɔm ddəm.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

1 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba kə̂ Nje-kajije kə Jeju-Kristə kə̂ jundaje məje dɔɛ̂ tə̂ â darəmje ddəw.

Ebərəje 6:11

A nɛ̂n kə̂ n-ndiki to karə bbo kula nəənn le nayn məse tə̂, sese kâra kâra tɔyn ndərəng ɔsu kɔnyɛ̂. Yeenn bba â kingaje nɛ̂nje tɔyn kə̂ aw undaje məse dɔɛ tə̂.

1 Piyɛr 1:8

Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.