Rɔmɛnje 15:1 - Dɔnɔn kə̂ Siki: Tar kə̂ aw arə təbbə

¹ Jeje kə̂ jubbaje singa, maji karə n-gərəje tar yɔɔ lə dəwje kə̂ ubbaje singa ang bba ta nɛ̂n kə̂ nəəlje jeje dɔrɔ â n-sangəje ang.

Rɔmɛnje 15:1 Iomraidhean Croise

Rɔmɛnje 14:1

Dəw kə̂ mə-kunn laa sangə ang bbay, maji karə uwɛ̂je kə rɔse tə̂ ta kəjəje kə̂ məɛ̂ tə̂ ooje to kəjəje kə̂ maji ang ang.

Rɔmɛnje 14:2

Junnje nɛ̂n-kɔju-marɛ̂: Marə dəw a kəjə to nasə ta kusa nɛ̂nje tɔyn, a marə dəw kə̂ mə-kunn laa sangə ang bbay, kam-naynje njaa dɔrɔ â aw usa.

Rɔmɛnje 4:20

N̂-gərə məɛ̂ tə̂ to nâ kinga nɛ̂n kə̂ Lubba unn ndue mbɛɛ̂ le arə nəjə tar ang. A məɛ̂ kə̂ nunda dɔ Lubba tə̂ dda arə ninga singa ddəm nɔsu gaji Lubba ddəm.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

1 Kɔrɛntinyɛje 9:22

Bbo misi kə dəwje kə̂ mə-kunn ləde sangə ang a, m-dda tokə dəw kə̂ mə-kunn laa sangə ang, mba kinga nɛ̂n de. M-dda rɔm tokə lə dəwje tɔyn marə dəwje tɔyn karə bbo ddəw to a, marɛ̂je kâra kâra ingaje kaji.

2 Kɔrɛntinyɛje 12:10

Mba yeenn bba, rɔm nəələm nya mə karje tə̂ kə̂ singam goto, mə nɛ̂n-tajije tə̂, mə nɛ̂n-singaje tə̂, mə ndooje tə̂ kə̂ dəwje aw ulaje kəmʼm tə̂, mə nɛ̂n-bbəəlje tə̂ kə̂ aw ingamje ɔju dɔ Kristə. Mba, mə kar tə̂ kə̂ singam goto bba maw mubba singa.

Epɛjinyɛje 6:10

Ta kutu nɛ̂n dɔɛ̂ a, maji karə ingaje singa ddəw mə-kâra tə̂ kə̂ ə-ddaje kə Əbbə-dəwje, ddəw singa-mɔngu tə̂ laa kə̂ bo nya.

Pilipinyɛje 2:4

Maji karə dəw kâra kâra sangə nɛ̂n mba kisi maji laa njaa ang. A n̂-sangə nɛ̂n mba kisi maji lə njê-marɛ̂je tɔ.

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

2 Timɔte 2:1

Əi ngonnəm, maji karə inga singa ddəw mə-maji tə̂ kə̂ Lubba dda kə je ddəw mə-kâra tə̂ kə̂ n-dda kə Jeju-Kristə le.

1 Jan 2:14

Ngannje, m-dda makəturu nəənn marəse, mba ə-gərəje Bɔ. Bɔydede, m-dda makəturu nəənn marəse, mba ə-gərəje nɛ̂n kə̂ n̂-to kunn-kutu nɛ̂n tə̂ njaa le. Basanje, m-dda makəturu nəənn marəse, mba ingaje singa ngaa, tar lə Lubba to məse tə̂ ngaâ utaje Nje-mə-majang kə singa.