Rɔmɛnje 14:8 - Dɔnɔn kə̂ Siki: Tar kə̂ aw arə təbbə

⁸ Bbo jaw jisije kəm baa a, jaw jisije kəm baa mba Əbbə-dəwje. Le joyje njaa kara, joyje mba Əbbə-dəwje. Yeenn a, le jisije kəm baa wase joyje njaa kara n-toje to ənga Əbbə-dəwje.

Rɔmɛnje 14:8 Iomraidhean Croise

Luku 20:38

Lubba to Lubba lə dəwje kə̂ oyje ang, n̂-to Lubba lə dəwje kə̂ isije kəm baa, mba dəwje tɔyn isije kəm baa kəm Lubba tə̂.»

Tar kə̂ Maji kə̂ Jan dda makəturu tə̂ 21:19

Jeju pa tar nəənn le ta tɔju nɛ̂n gar yo kə̂ Piyɛr a koy kə̂ a karə piti Lubba. Goe tə̂ a, Jeju le pa arɛ̂ nan: «Unn gom.»

Kulaje 13:36

«Kar tə̂ kə̂ Dabbiti isi nɛ̂n kəm baa le, n̂-dda nɛ̂n tɔyn kə̂ Lubba ndiki ta karə n̂-dda n̂-tunga. Goe tə̂ a, noy, n̂-dubbe mbɔr kɛɛ̂jedede tə̂ ngaâ da-rɔɛ̂ tuju.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

1 Kɔrɛntinyɛje 15:23

A dəwje kâra kâra tɔyn a ndolje kə goe goe. Kristə to dɔngɔr dəw kə̂ ndol. Goe tə̂ a, dəwje kə̂ toje to dəwje laa a ndolje ndɔ tə̂ kə̂ nâ ddee.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 2:30

mba nayn tɛn baa a noy mba kula lə Kristə. Nila rɔɛ̂ kɔrɔ̂ mba kumanʼm kula tə̂ kə̂ sese njaa ingaje ddəw ta kumanʼm tə̂ ang.

1 Tesalonisinyɛje 5:10

Kristə le oy mba tar ləje bba karə, le jisije kəm baa wase joyje njaa kara, jisije kəm baa saa ndɔ tə̂ kə̂ nâ ddee.

Apokalisi 14:13

Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »