Rɔmɛnje 14:4 - Dɔnɔn kə̂ Siki: Tar kə̂ aw arə təbbə

⁴ Əi kə̂ aw gangə sariya dɔ nje-kula tə̂ lə marə dəw nəənn le, ə-to nân wa? Bbo nje-kula le nayn aw dda kula kə majɛ̂ bbay wase n̂-dda kə majɛ̂ ang kara, to tar lə əbbeeje njaa. A nâ dda kə majɛ̂ njaa, mba Əbbə-dəwje ee kə singa ta dda karə n̂-dda kə majɛ̂.

Rɔmɛnje 14:4 Iomraidhean Croise

Kulaje 11:17

Lubba arəde Ndil-mə-nda tokə narəje kar tə̂ kə̂ junn nɛ̂n məje jarə Əbbə-dəwje Jeju-Kristə le. Yeenn a, m-to dəw ddi bba mâ kasə kɔku ddəw Lubba karə dda marə nɛ̂n wa?»

Rɔmɛnje 11:23

A bbo Jiipije le inyaje mə-kətərə ləde ngaâ ooje məde tə̂ a, Lubba a təl kə de lo turude tə̂ tɔ, mba Lubba ee kə singa ta təl kə de lo turude tə̂.

Rɔmɛnje 14:3

Maji karə ne kə̂ naw nusa nɛ̂n tɔyn n̂-yabbə ne kə̂ naw sangə marə nɛ̂n-kusaje le ang. Ngaâ, ne kə̂ naw nusa nɛ̂n tɔyn, maji karə ne kə̂ naw sangə marə nɛ̂n-kusaje n̂-yabbɛ̂ ang tɔ, mba ne kara Lubba tɛɛ̂ kə rɔɛ̂ tə̂ mban.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

Rɔmɛnje 9:20

Əi, ə-to nân bba a kasə ta mayn tar kə Lubba wa? Jo kə̂ dubba to kubba a kasə ta pa karə nje-kubbɛ̂ le nan: «Mba ddi bba ubbam tokə be wa?» Baann ang.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

1 Piyɛr 1:5

sese kə̂ naw ngəmse ddəw singa-mɔngu tə̂ laa mba mə-kunn ləse karə ingaje kaji nəənn le. Ddutu ndɔje tə̂ a, nâ tɔju kaji kə̂ najise le kə ddaka karə dəwje tɔyn ooje.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!