Rɔmɛnje 14:10 - Dɔnɔn kə̂ Siki: Tar kə̂ aw arə təbbə

¹⁰ A əi, aw gangə sariya dɔ ngokɔin tə̂ mba ddi wa? Aw mbətə ngokɔin mba ddi wa? Jeje tɔyn njaa ja karje nɔn sariya tə̂ lə Lubba.

Rɔmɛnje 14:10 Iomraidhean Croise

Matiye 7:1

«Maji karə ə-gangəje sariya dɔ dəw tə̂ ang, mba karə Lubba gangə sariya dɔse tə̂ ang tɔ.

Luku 18:9

Jeju pa gusu-tar nəənn bbay mba dəwje kə̂ ooje rɔde to dəwje kə̂ gatə gatə, a ooje kəsə dəwje to dəwje kə̂ maji ang.

Luku 23:11

Erodə kə mbambaje laa ooeje maji ang kəmde tə̂. N̂-kokeje ngaâ dulɛ̂je kubbu kə̂ ndɔnrɛn. Goe tə̂ a, dulɛ̂je darə Pilatə guku.

Tar kə̂ Maji kə̂ Jan dda makəturu tə̂ 5:22

Tɔ bbay, Bɔ gangə sariya dɔ dəw tə̂ kâra ang. Ninya sariya tɔyn ji Ngonn tə̂.

Kulaje 10:42

Nunn ndu narəje karə jila mbər Tar kə̂ Maji jarə dəwje, ta n-pa jarəde to Lubba undɛ̂ to nje-gangə sariya dɔ dəwje tə̂ kə̂ isije kəm baa ddəm dɔ dəwje kə̂ oyje ddəm.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Kulaje 4:11

Ne â makəturuje lə Lubba pa tar laa nan: ‹N̂-to ər kə̂ see njê-kɔsuje kəy ə-mbətəje le. Ər le təl ddee to singa gɔl kəy kə̂ dungu nangə̂.›

Rɔmɛnje 2:16

Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.