Rɔmɛnje 14:1 - Dɔnɔn kə̂ Siki: Tar kə̂ aw arə təbbə

¹ Dəw kə̂ mə-kunn laa sangə ang bbay, maji karə uwɛ̂je kə rɔse tə̂ ta kəjəje kə̂ məɛ̂ tə̂ ooje to kəjəje kə̂ maji ang ang.

Rɔmɛnje 14:1 Iomraidhean Croise

Matiye 12:20

Mu kə̂ dunda nangə̂ mban, nâ kuwa tətə ang. Puru kə̂ a ta koy, nâ tɔl ang. Nâ dda nɛ̂n tokə baann ndərəng karə nɛ̂n-dda kə̂ gatə gatə uta dɔ lo

Matiye 14:31

Njangə baa njaa Jeju ula jia uwɛ̂ nɛ̂n ngaâ pa arɛ̂ nan: «Əi dəw kə̂ mə-kunn ləi ngaji baa, mba ddi bba əjə tar wa?»

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Marke 7:19

Mba nɛ̂n le andə bbəngəre tə̂ ang. Nɛ̂n le aw məɛ̂ tə̂ ngaâ tee məɛ̂ tə̂ kə ddang.» Ddəw tar tə̂ nəənn, Jeju tɔju to dəw a kasə kusa nɛ̂n tɔyn.

Luku 17:2

Karə n̂-tɔ ər kə̂ ɔɔy gɔsɛ̂ tə̂ dilɛ̂ mə ba-katə tə̂ maji arɛ̂ uta karə n̂-dda narə ngonn-kâra horo ngann marɛ̂je tə̂ nəənn oso mə majang tə̂.

Tar kə̂ Maji kə̂ Jan dda makəturu tə̂ 13:20

Tɔkɔrɔ m-pa marəse: Dəw kə̂ taa dəw kə̂ mulɛ̂ kə rɔɛ̂ tə̂, nayn to əman njaa n̂-taam kə rɔɛ̂ tə̂ənn. Ngaâ, dəw kə̂ taam kə rɔɛ̂ tə̂ to dəw kə̂ taa dəw kə̂ ulam kə rɔɛ̂ tə̂ tɔ.»

Kulaje 28:2

Njê-bbeje le taajeje kə majɛ̂ nya. N̂-yəlje tɔkə puru ngaâ n̂-bbarjeje darə n-ndibbi mba ndi unn kutu kərə arə kul ɔn nya.

Rɔmɛnje 11:15

Lubba dda arə duninya ungu naan tə̂ saa kar tə̂ kə̂ n̂-turu gire narə ngann Ijarayɛlje. Ndɔ kə̂ n̂-təl nuwade kə rɔɛ̂ tə̂ a, nɛ̂n kə̂ a ddee goe tə̂ a to tokə lə dəwje kə̂ oyje bba təl isije kəm baa.

Rɔmɛnje 14:2

Junnje nɛ̂n-kɔju-marɛ̂: Marə dəw a kəjə to nasə ta kusa nɛ̂nje tɔyn, a marə dəw kə̂ mə-kunn laa sangə ang bbay, kam-naynje njaa dɔrɔ â aw usa.

Rɔmɛnje 14:21

Nɛ̂n kə̂ maji â to kusa taal-da ang, kay koto ang, mbətə nɛ̂n tɔyn kə̂ asə dda karə ngokɔin oso mə majang tə̂.

Rɔmɛnje 14:3

Maji karə ne kə̂ naw nusa nɛ̂n tɔyn n̂-yabbə ne kə̂ naw sangə marə nɛ̂n-kusaje le ang. Ngaâ, ne kə̂ naw nusa nɛ̂n tɔyn, maji karə ne kə̂ naw sangə marə nɛ̂n-kusaje n̂-yabbɛ̂ ang tɔ, mba ne kara Lubba tɛɛ̂ kə rɔɛ̂ tə̂ mban.

Rɔmɛnje 15:1

Jeje kə̂ jubbaje singa, maji karə n-gərəje tar yɔɔ lə dəwje kə̂ ubbaje singa ang bba ta nɛ̂n kə̂ nəəlje jeje dɔrɔ â n-sangəje ang.

Rɔmɛnje 15:7

Maji karə ə-taaje naan kə rɔ naan tə̂ mba kɔsu nɛ̂n gaji Lubba tokə Kristə kə̂ taase kə rɔɛ̂ tə̂ le.

Rɔmɛnje 4:19

Bbal Abaraham aw ngɔsi kə kɔr kâra, a mə-kunn laa əngə ang. Noo rɔɛ̂ to dəw kə̂ oy mban ngaâ dɛnɛ̂n laa Sara aw katə.

1 Kɔrɛntinyɛje 9:22

Bbo misi kə dəwje kə̂ mə-kunn ləde sangə ang a, m-dda tokə dəw kə̂ mə-kunn laa sangə ang, mba kinga nɛ̂n de. M-dda rɔm tokə lə dəwje tɔyn marə dəwje tɔyn karə bbo ddəw to a, marɛ̂je kâra kâra ingaje kaji.

Pilipinyɛje 2:29

Maji karə ə-tɛɛ̂je kə rɔse tə̂ kə rɔ-nəəl ddəw mə-kâra tə̂ kə n-dda kə Əbbə-dəwje. Maji karə ə-walje dəwje kə̂ toje tokə laa nəənn,

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

Ebərəje 5:14

A nɛ̂n-kusa kə̂ kətərə to mba dəwje kə̂ tɔkə. Dede â ddəw nɛ̂n tə̂ kə̂ daw ddaje kə ndɔ tɔyn, dasəje ta kɔru kəm nɛ̂n kə̂ maji kə nɛ̂n kə̂ maji ang.

2 Jan 1:10

Bbo dəw ddee rɔse tə̂ ngaâ tɔjuse marə nɛ̂n-tɔju kə̂ dang a, ə-ddɛɛ̂je lapiya ang ddəm ə-tɛɛ̂je kə kəy ləse ang ddəm.