Rɔmɛnje 13:7 - Dɔnɔn kə̂ Siki: Tar kə̂ aw arə təbbə

⁷ Maji karə ukaje bbangə nɛ̂n lə nje-marseje kâra kâra kə̂ to dɔseje tə̂. Ukaje lambo ji dəw tə̂ kə̂ to tar ləse ta kuka jia tə̂, ukaje dɔ nɛ̂n ji dəw kə̂ to tar ləse ta kuka dɔ nɛ̂n le jia tə̂. Ə-bbəəlje dəwje kə̂ to tar ləse ta bbəəlde, ə-walje dəwje kə̂ to tar ləse ta walde.

Rɔmɛnje 13:7 Iomraidhean Croise

Matiye 17:25

Piyɛr ilade tə̂ nan: «Naw nuka njaa!» Piyɛr a ta kandə kəy be a, Jeju ɔru tɛɛ̂ dɔngɔr pa nan: «Simɔn, kəjə ləi dɔ tar tə̂ nəənn tokə baânn wa? Njê kə̂ dda bba aw ukaje lambo kə mbayje kə̂ nangə̂ nəənn wa? Ngann njê-bbeje wase njê-mbaje wa?»

Matiye 22:21

Dilaje tə̂ nan: «Toje to lə tɔkə mbay kə̂ Rɔm.» N̂-təl n̂-pa narəde nan: «Baann a, arəje tɔkə mbay kə̂ Rɔm nɛ̂n kə̂ to lə tɔkə mbay kə̂ Rɔm, a arəje Lubba nɛ̂n kə̂ to lə Lubba.»

Marke 12:17

Yeenn ngaâ Jeju pa arəde nan: «Arəje tɔkə mbay kə̂ Rɔm nɛ̂n kə̂ to lə tɔkə mbay kə̂ Rɔm, a arəje Lubba nɛ̂n kə̂ to lə Lubba.» Tar laa le dum dɔ dəwje kə̂ ddeeje ta nɛɛ̂n le.

Luku 20:22

Ndu arəje ddəw karə juka lambo kə tɔkə mbay kə̂ Rɔm wase ndu arəje ddəw ang wa?»

Luku 20:25

Yeenn ngaâ n̂-pa narəde nan: «Arəje tɔkə mbay kə̂ Rɔm nɛ̂n kə̂ to lə tɔkə mbay kə̂ Rɔm, arəje Lubba nɛ̂n kə̂ to lə Lubba.»

Luku 23:2

Dulaje tar tɛɛ̂ tə̂ nan: «Jinga dingaw nəənn, naw nɔsu kutu dəwje ta karə n̂-ddaje dɔ-ngəng. N̂-pa narə dəwje ta karə dukaje lambo darəje tɔkə mbay kə̂ Rɔm ang ngaâ n̂-pa nan ne njaa n̂-to Kristə le, n̂-to tɔkə mbay.»

Rɔmɛnje 12:10

Nɛ̂n kə̂ ɔju dɔ ndiki naan, maji karə ə-ndikije naan tokə ngakɔn-naan njaa. Maji karə ə-walje naan.

Rɔmɛnje 13:6

Mba yeenn tɔ â aw ukaje nɛ̂n lambo. Dəwje kə̂ aw ukaje lambo jide tə̂ le. Lubba â undade dɔ kula tə̂ənn le karə n̂-ddaje kə majɛ̂.

Epɛjinyɛje 5:33

A tar le to mbase tɔ: Maji karə dəw kâra kâra ndiki dɛnɛ̂n laa tokə da-rɔɛ̂ njaa. Ngaâ maji karə dɛnɛ̂nje kâra kâra bbəəlje ngawdede.

Epɛjinyɛje 6:5

See bbərəje, ooje ta əbbəsese kə̂ nangə̂ nəənn, ə-bbəəljede, ə-ddaje kula arəjede kə mə ngonn-kasə tokə Kristə â aw ddaje kula laa.

1 Timɔte 5:13

Tɔ bbay, mba dingaje kula ta dda ang le a, n̂-ndoje ta kasə lo kə ta-kəy kəy. Dɔɛ̂ tə̂, n̂-təlje to njê-kundaje bula. Tar kə̂ osode tə̂ ang kara dilaje tade tə̂ baa baa. Tar kə̂ asə ta pa ang kara daw paje.

1 Timɔte 5:17

Asə karə dəwje kə̂ dɔ Egilisi tə̂ kə̂ aw tɔjuje ddəw kə̂ maji dəwje ingaje kuka kə̂ bo. Uta tɔyn, dede kə̂ kula pa tar lə Lubba kə kula nɛ̂n-tɔju ɔɔyde nya.

1 Timɔte 6:1

Maji karə bbərəje tɔyn ooje əbbədede to dəwje kə̂ asəje karə n̂-bbəəljede. Yeenn a dda karə dəwje a kasəje ta taji nɛ̂n-tɔju ləje ang ddəm ri Lubba ang ddəm.

1 Piyɛr 3:7

See dingawje, sese kara, maji karə kisi tə̂ ləse kə dɛnɛ̂nje ləse, ə-gərəje to dɛnɛ̂n to tokə ka kə̂ tɔ laa ɔn ang. Maji karə ə-waljede, mba dâ kingaje kə se təbbə kə̂ tɔkɔrɔ kə̂ Lubba a karəse kə mə-maji laa le tɔ. Baann bba karə bbo aw dujuje Lubba a, marə nɛ̂n ɔku ddəwe ang.