Rɔmɛnje 13:13 - Dɔnɔn kə̂ Siki: Tar kə̂ aw arə təbbə

¹³ Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

Rɔmɛnje 13:13 Iomraidhean Croise

Luku 1:6

Dede joo kəm n̂-toje gatə gatə kəm Lubba tə̂ ddəm n̂-njaje kə turu ndu lə Əbbə-dəwje ddəm tar to dɔde tə̂ ang.

Luku 16:19

Jeju pa bbay nan: «Ləw, marə dəw kə̂ to nje-nɛ̂n-kinga kə̂ aw ula kubbu lɛɛn to. Ndɔ kâra kâra tɔyn naw dda kusu mə kəy tə̂ laa.

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

Kulaje 2:15

Koto â dda dəwje nəənn tokə aw əjəjeenn ang. Lo to kə əndɔɔ baa bbay, mba to gɔl kar jikara baa bbay.

1 Kɔrɛntinyɛje 3:3

Tɔkɔrɔ, ə-naynje ddəw da-rɔ tə̂ baa bbay, mba kunda-mə kə naan kə kɔl-naan nayn horose tə̂. Yeenn a, ə-toje to dəwje kə̂ naynje ddəw da-rɔ tə̂ ngaâ aw ddaje kula-dda lə dəwje kə̂ baa ang wa?

Galatəje 5:19

N-gərə nɛ̂nje kə̂ bboje kə̂ da-rɔ tə̂ aw dda: Kaya, nɛ̂n-yərəw, lo-to-majang ang,

Galatəje 5:21

dda bbo nɛ̂n lə dəw, kay koto kə kusa nɛ̂n karə uta dɔɛ̂ kə marə nɛ̂nje kə̂ baann. M-pa marəse kete mban, a m-təl m-pa bbay, dəwje kə̂ aw ddaje nɛ̂nje kə̂ baann le. Bbe-kɔn lə Lubba a to ləde ang.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Epɛjinyɛje 5:15

Maji karə aaje pa-njaje ləse ooje kə majɛ̂ bba. Ə-njaje tokə lə mbəje ang. Maji karə ə-njaje to njê-kəm-karɛje.

Epɛjinyɛje 5:18

Ayje koto arə ddase ang. Mba koto aw kə dəw arə tuju. A arəje Ndil â ddususe.

Epɛjinyɛje 5:8

Ləw, aw njaje lo ndul tə̂, a bbasinɛn aw njaje lo-karɛ tə̂ ddəw mə-kâra tə̂ kə̂ ə-ddaje kə Əbbə-dəwje. Yeenn a, maji karə ə-njaje tokə dəwje kə̂ aw njaje lo-karɛ tə̂.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 2:3

Ə-ddaje nɛ̂n to nɛ̂n-dda kuta nɛ̂n naan ang ddəm to nɛ̂n-kɔsu rɔ ang ddəm. A maji karə ooje rɔse ngaji ta ooje njê-marəseje to dəwje kə̂ utajese.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

1 Tesalonisinyɛje 4:12

Baann bba pa-nja ləse a dda karə dəwje kə̂ ooje məde tə̂ ang bbəəlse. Ngaâ â ddeeje to nɛ̂n-koto dɔ dəw tə̂ ang.

1 Tesalonisinyɛje 5:17

maji karə ə-dujuje Lubba kə kar tɔyn

Jakə 4:5

Ooje to tar kə̂ Makəturu lə Lubba pa le to tar kə̂ baa wa? Makəturu le pa nan: «Lubba ndiki ndil kə̂ ne njaa nula məje tə̂ le nya.»

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.

2 Jan 1:4

Moo marə nganni kə̂ aw njaje ddəw tar tə̂ kə̂ tɔkɔrɔ tokə ndu lə Bɔy Lubba pa arəje le. Minga rɔ-nəəl nya mba nganni le.

Judə 1:23

Ajije marɛ̂je, ə-teeje kə de kəm puru tə̂. A marɛ̂je, ooje kəm-to-ndoo ləde, a aaje rɔse, arəje kubbuje kə̂ rɔde tə̂ kara ɔruse ang, mba nɛ̂n-ddaje ləde kə̂ maji ang tuju kubbu ləde mban.