Rɔmɛnje 12:7 - Dɔnɔn kə̂ Siki: Tar kə̂ aw arə təbbə

⁷ Dəw kə̂ Lubba arɛ̂ gusu karə uman dəwje a, maji karə numande. Dəw kə̂ Lubba arɛ̂ gusu karə n̂-tɔju nɛ̂n dəwje a, maji karə n̂-tɔju nɛ̂n dəwje.

Rɔmɛnje 12:7 Iomraidhean Croise

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Tar kə̂ Maji kə̂ Jan dda makəturu tə̂ 3:2

N̂-ddee ninga Jeju til tə̂ ngaâ n̂-pa nan: «Nje-nɛ̂n-tɔju, n-gərə to Lubba ulai ta karə ə-tɔjuje nɛ̂n. Dəw kə̂ Lubba ee saa ang a kasə ta dda nɛ̂n-mɔrije kə̂ aw dda nəənn ang.»

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

Kulaje 20:20

Nɛ̂n kə̂ a ddase maji tɔyn njaa m-tɔjuse. M-pa nɛ̂nje tɔyn marəse, m-tɔjuse nɛ̂n kəm dəwje tə̂ ddəm mə kəyje tə̂ ləse ddəm.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 6:1

Dɔ ndɔɛ̂ tə̂ənn, kɔr njê-njaje go Jeju tə̂ aw kə kete kete. Jiipije kə̂ aw paje ndɔn-tar gɛrɛkə aw əmje rɔde kə ri dede kə̂ n̂-toje to Ebərəje. Mba kə ndɔ tɔyn bbo Ebərəje le aw kaynje nɛ̂n-kusa dɛnɛ̂n-ndubbaje a, dɔruje kəm dɛnɛ̂n-ndubbaje ləde.

1 Kɔrɛntinyɛje 12:28

Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.

1 Kɔrɛntinyɛje 12:5

Gusu kə̂ ta dda nɛ̂n kula lə Əbbə-dəwje banya nya. A Əbbə-dəwje kə̂ kâra baa njaa â jaw ddaje kula jarɛ̂.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

Galatəje 6:6

Maji karə dəw kə̂ daw tɔjɛ̂ Tar lə Lubba kayn dəbbə nɛ̂n-kingaje laa tɔyn arə dəw kə̂ aw tɔjɛ̂ Tar le.

Epɛjinyɛje 4:11

Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.

Kolosinyɛje 4:17

Ə-paje arəje Arəsipə ə-paje nan, maji karə nunda kəmɛ̂ dɔ kula tə̂ lə Əbbə-dəwje kə̂ darɛ̂, ta n̂-dda kə majɛ̂.

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

1 Timɔte 3:2

Baann a, maji karə dəw kə̂ dɔ Egilisi tə̂ le tar to dɔɛ̂ tə̂ ang, n̂-to nje-dɛnɛ̂n kə̂ kâra, n̂-to dəw kə̂ sangə rɔɛ̂, n̂-to dəw kə̂ gərə dɔ jia, n̂-to dəw kə̂ dda nɛ̂n kə ddəwe, dəw kə̂ gərə ngəm njê-mbaje, dəw kə̂ gərə ta tɔju nɛ̂n.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

1 Timɔte 5:17

Asə karə dəwje kə̂ dɔ Egilisi tə̂ kə̂ aw tɔjuje ddəw kə̂ maji dəwje ingaje kuka kə̂ bo. Uta tɔyn, dede kə̂ kula pa tar lə Lubba kə kula nɛ̂n-tɔju ɔɔyde nya.

2 Timɔte 2:2

Tar kə̂ tee tam tə̂ kəm njê-tar-najije tə̂ kə̂ banya le, ə-pa arə njê-mə-kunnje kə̂ unda məi dɔde tə̂, karə dede njaa kara dasəje ta pa karə marə dəwje kə kete tɔ.

2 Timɔte 2:24

Maji karə nje-kula lə Əbbə-dəwje to nje-kɔl kə dəw ang. A maji karə n̂-to dəw kə̂ dəwje ndiki tar laa, maji karə nasə ta tɔju nɛ̂n ngaâ daw pa saa a, n̂-tɔ wure.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.