Rɔmɛnje 12:3 - Dɔnɔn kə̂ Siki: Tar kə̂ aw arə təbbə

³ Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

Rɔmɛnje 12:3 Iomraidhean Croise

Luku 18:11

Parijinyɛ le ar taar ngaâ duju Lubba mba tar dɔɛ̂ njaa nan: ‹Lubba, mari wooyo mba m-to tokə kəsə dəwje ang. Kəseje toje to njê-bbokoje, njê-nɛ̂n-ddaje kə̂ gatə gatə ang, njê-ddaje lo-to-majang. M-to tokə nje-taa narɛ lambo nəənn ang tɔ.

Tar kə̂ Maji kə̂ Jan dda makəturu tə̂ 3:34

Dəw kə̂ Lubba ulɛ̂ aw pa tarje lə Lubba, mba Lubba aw arɛ̂ Ndil arə dduse.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 11:20

Dɔgɔlɛ̂ njaa. Lubba tuka barkəmde mba dooje məde tə̂ saa ang, a əi ə-nayn aw tinya kakə tə̂ le mba oo məi tə̂ kə Lubba le. Yeenn a, maji karə bbəəl â ə-bbəəl bbo unda gui ang.

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 12:16

Maji karə ooje ta naan. Lo kula kə̂ bo dɔrɔ â ə-sangəje ang. Ngonn kula kara ə-ddaje. Ooje rɔse to kəmse arɛ̂ nya uta nje-marse ang.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 3:10

Lubba dda səm mə-maji arə m-ddee to dəw kə̂ gərə gusu kɔsu kəy. Mungu gɔl kəy nangə̂ ngaâ marə dəw ɔsu kəy le dɔɛ tə̂. A maji karə dəw kâra kâra kə̂ aw ɔsu kəy le aa ddəw kə̂ naw nɔsu nɛ̂n kə majɛ̂ bba.

1 Kɔrɛntinyɛje 7:17

Tar kə̂ ta kila dɔ marɛ̂ tə̂ â nəənn. Maji karə dəw kâra kâra nayn kə kisi laa kə̂ Əbbə-dəwje arɛ̂ karə nisi nɛ̂n, kisi kə̂ nisi nɛ̂n kete bba Lubba bbarɛ̂ le. Yeenn to ndu kə̂ munn marə Egilisije tɔyn.

2 Kɔrɛntinyɛje 10:13

Jeje, ja kunda guje karə nday dɔɛ̂ ang. Ja kunda guje tee nɛ̂n lo tə̂ kə̂ Lubba ɔju arəje ta dda kula tə̂, ja dda kula le ndərəng tee nɛ̂n rɔse tə̂.

2 Kɔrɛntinyɛje 12:13

Ddi â kəsə Egilisije ingaje utase wa? M-dda bba m-ddee to nɛ̂n-koto dɔse tə̂ ang. Â bbo yeenn to nɛ̂n kə̂ gatə gatə ang â m-dda a, ɔruje tarɛ̂ dɔm tə̂!

2 Kɔrɛntinyɛje 12:7

Nɛ̂nje kə̂ Lubba tɔju kə̂ ddaka arə moo le to nɛ̂nje kə̂ maji kə̂ dum dɔ dəw. Mba yeenn bba, karə moo rɔm bo nya ang a, dula marə nɛ̂n rɔm tə̂, Satan ula marə dəw laa karə undam, bba karə moo rɔm bo nya ang.

Galatəje 6:3

Bbo dəw kə̂ to marə nɛ̂n ang oo rɔɛ̂ bo nya a, ne njaa naw nərə rɔɛ̂.

Epɛjinyɛje 3:2

Məjə to ooje tar kula kə̂ Lubba inya jim tə̂ ddəw mə-maji tə̂ laa mbase le njaa.

Epɛjinyɛje 3:4

Aw turaje makəturu nəənn a, â kasəje ta gərə to nɛ̂nje lə Kristə kə̂ naynje lo-kiyɛ̂ tə̂ le m-gərə nya.

Epɛjinyɛje 4:16

Tambal dɔɛ̂ â, dəbbə rɔ dang dang tɔyn mbɔn naan to da-rɔ kə̂ kâra baa ngaâ kətərə mba mənrə-rɔje le tɔje naan kə majɛ̂. A bbo dəbbə rɔ kə̂ dang dang le kâra kâra dda kula kə majɛ̂ a, da-rɔ le tɔyn njaa a tee kə mbi ngaâ a sangə ddəw ndiki tə̂.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Kolosinyɛje 1:29

Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

Kolosinyɛje 2:13

Yeenn a, sese kə̂ ləw, nayn to oyje mba majang ləse ddəm mba ganja kə̂ da-rɔ tə̂ kə̂ ujaje ang le ddəm, Lubba dda arə ə-təlje isije kəm baa kə Kristə. Nɔru tar majangje ləje tɔyn dɔje tə̂.

1 Timɔte 1:14

A Əbbəjeje Lubba dda səm mə-maji kə̂ bo nya. Narə moo məm tə̂ ngaâ narə m-ndiki ngamarəmje ddəw mə-kâra tə̂ kə̂ m-dda kə Jeju-Kristə le.

1 Timɔte 2:15

A Lubba a kaji dɛnɛ̂n ddəw kuju ngonn tə̂, tokə n̂-nayn ddəw mə-kunn tə̂, ddəw n̂-ndiki dəwje tə̂, ddəw sangə-rɔ tə̂ kə ddəw dda rɔ ngaji tə̂.

1 Timɔte 2:9

Ddəw kâra baa, m-ndiki karə dɛnɛ̂nje ulaje kubbu kə majɛ̂, dulaje kubbu darə kəm dəwje to kə dɔde tə̂ ang, n̂-ddaje mandə kə boro ang: N̂-ddaje dɔde kə dɔgɔlɛ̂, nɛ̂n-mandəje kə̂ n̂-dda kə andə wase mərə wase kubbu kə̂ gatɛ̂ ngəng nya â maji karə dulaje ang.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

Titə 2:2

Ə-pa arə bbukaje gərəje dɔ jide, maji karə bbo kinga narɛ kə dɔgɔlɛ̂ ang ddade ang ngaâ n̂-ddaje nɛ̂n kə ddəwe. Arə darje dɔ mə-kunn tə̂ ləde kə̂ tɔkɔrɔ, arə n̂-ndikije naan ngaâ duwaje darə ngəng.

Titə 2:4

Maji karə n̂-tɔjuje dɛnɛ̂nje kə̂ naynje mandə bbay darə n̂-ndikije ngawdede kə ngannde,

Titə 2:6

Ddəw kâra baa, ə-ndəjə basanje arə n̂-ddaje nɛ̂n kə ddəwe

Jakə 4:6

A Lubba dda kə je mə-maji arə uta dɔɛ̂, mba Makəturu laa pa nan: «Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ ddaje rɔde tɛn baa.»

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

1 Piyɛr 5:5

Ddəw kâra baa, basanje, maji karə ooje ta dəwje kə̂ dɔ Egilisi tə̂. Sese tɔyn, ə-ddaje rɔse ngaji arəje naan, mba Makəturu lə Lubba pa nan: Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ dda rɔde ngaji.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

3 Jan 1:9

Mula kə gɔju makəturu marə Egilisi. A Diyoterepə kə̂ ndiki ta karə ne njaa bba nee dɔ nɛ̂nje tə̂ tɔyn le aa lo kə tar tə̂ ləje le ang.