Rɔmɛnje 12:1 - Dɔnɔn kə̂ Siki: Tar kə̂ aw arə təbbə

¹ Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 12:1 Iomraidhean Croise

Luku 7:47

Mba yeenn bba m-pa mari: Tar majang laa kə̂ banya ɔru dɔɛ̂ tə̂ ngaa, mba ndiki laa bo nya. A dəw kə̂ dɔru tar dɔɛ̂ tə̂ tɛn baa, ndiki laa to tɛn baa tɔ.»

Rɔmɛnje 12:2

Maji karə ə-ndajije nɛ̂n-ddaje lə dəwje kə̂ duninya tə̂ nəənn ang, a inyaje ddəw arəje Lubba turu kəjə ləse. Baann bba â kasəje ta gərə nɛ̂n kə̂ Lubba ndiki, nɛ̂n kə̂ maji, nɛ̂n kə̂ nəəl kəmɛ̂ tə̂ kə nɛ̂n kə̂ maji tɔyn.

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

Rɔmɛnje 15:30

Ngakɔnʼmje, m-walse kə ri Əbbəjeje Jeju-Kristə ddəm ddəw tə̂ lə Ndil-mə-nda kə̂ aw dda arə jaw ndikije naan ddəm karə umanʼmje ddɔ tə̂, ddəw duju Lubba tə̂ mbam

Rɔmɛnje 2:4

Lubba aw dda maji səi nya. N̂-ndiki ta gangə sariya dɔi tə̂ kə tɔkɛ̂ ang. Naw nooi kə kəmɛ̂, a oo nɛ̂njeenn to nɛ̂n kə̂ baa wa? Ə-gərə to Lubba aw dda səi mə-maji baann karə ə-turu məi ang wa?

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

Rɔmɛnje 6:16

Ə-gərəje ang wa? Bbo unnje rɔse to bbərə lə marə dəw ta koo tɛɛ̂ a, ə-ddeeje to bbərə lə dəw kə̂ aw ooje tɛɛ̂ le. Ddəw kâra baa, bbo unnje rɔse ilaje majang tə̂ a, majang le a kaw kə se karə oyje. A bbo unnje rɔse ta koo ta Lubba a, Lubba a dda karə ə-ddeeje to dəwje kə̂ gatə gatə.

Rɔmɛnje 6:19

Munn nɛ̂n-kɔju-marɛ̂ dɔ dəwje tə̂ bba maw pa nɛ̂n tar nəənn, mba ə-gərəje nɛ̂n tɔyn kə majɛ̂ ang bbay. Dɔngɔr, unnje rɔse tɔyn tokə lə bbərəje ə-ddaje nɛ̂n kula yərəw kə nɛ̂n kə ngabula. Nɛ̂njeenn le aw ddaje arə aw mbətəje ta Lubba. Yeenn a, bbasinɛn maji karə unnje rɔse tɔyn to bbərəje ə-ddaje nɛ̂n kula kə̂ gatə gatə bba karə isije to dəwje kə̂ ngəmje rɔde dang mba Lubba.

Rɔmɛnje 9:23

Lubba ndiki ta tɔju piti laa kə̂ bo nya kəsə dəwje, dede kə̂ noo kəm-to-ndoo ləde kə̂ n̂-gɔlde tokə kete mba karə dingaje piti saa.

1 Kɔrɛntinyɛje 1:10

Ngakɔnʼmje, m-ndəjəse kə ri Əbbəjeje Jeju-Kristə karə ooje ta naan. Ə-tinje naan ang. Uwaje naan ta arəje kəjəje ləse to kâra baa.

2 Kɔrɛntinyɛje 10:1

Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.

2 Kɔrɛntinyɛje 4:1

Lubba â arəje kula le ddəw maji tə̂ laa. Mba yeenn bba, rɔje nyaje ddəwe tə̂ ang.

2 Kɔrɛntinyɛje 4:16

Mba yeenn bba, rɔje oy ang. Ngaâ, le da-rɔje aw tuju jann jann kara, jaw jubba singa məje tə̂ tokə siki kə ndɔ tɔyn.

2 Kɔrɛntinyɛje 5:20

Jeje, Kristə â ulaje karə n-paje tar kə ria. Yeenn nayn to Lubba njaa aw bbarse ddəw tə̂ ləje. Jaw walse nya kə ri Kristə, maji karə unguje naan tə̂ kə Lubba.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Epɛjinyɛje 5:10

Maji karə ə-sangəje ddəw ta gərə nɛ̂n kə̂ nəəl kəm Əbbə-dəwje tə̂.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Tesalonisinyɛje 4:10

Aw ə-ndikije ngakɔnje kə̂ Maseduwann tə̂ tɔyn tokə baann mban. A n-ndəjəse karə ə-ddaje arə uta yeenn bbay.

1 Tesalonisinyɛje 5:12

Ngakɔnje, n-dujuse bbay karə ə-bbəəlje dəwje kə̂ aw ddaje kula horose tə̂, dede kə̂ Əbbə-dəwje undade karə n̂-tɔjuse ddəw, karə n̂-ndəjəse le.

1 Timɔte 2:3

Yeenn bba to nɛ̂n kə̂ kura ngaâ maji nya kəm Lubba tə̂ kə̂ Nje-kajije,

1 Timɔte 5:4

A bbo marə dɛnɛ̂n-ndubba kə̂ ngannɛ̂ wase ngakɛɛ̂ toje a, dɔngɔr nɛ̂n kə̂ ta dda â to karə n̂-tɔjuje kula mə-kunn ləde horo nujuje tə̂ ngaâ n̂-təlje kə nɛ̂n kə̂ njê-kujudeje ngəm nɛ̂n de darəde. Lubba ndiki nɛ̂n kə̂ baann nya.

Pilemɔn 1:10

M-wali nya mba Onejim. N̂-ddee to ngonnəm mə kəy-kula tə̂ nəənn.

Pilemɔn 1:9

A moo maji ta duji karə ə-dda nɛ̂n le ddəw ndiki tə̂. Əman Pɔl kə̂ m-to bbuka ngaâ bbasinɛn m-to kəy-kula tə̂ mba Jeju-Kristə le.

Ebərəje 13:22

Ngakɔnʼmje, m-dujuse karə ə-tɔje wurse ooje nɛ̂n ndəjəje nəənn. Mba makəturu kə̂ mula nɛ̂n marəse nəənn ngal ang.

1 Piyɛr 2:20

Bbo dəw aw oo ndoo mba majang kə̂ n̂-dda ngaâ naw tɔ wure a, piti kə̂ baânn â nâ kinga goe tə̂ wa? A bbo ə-ddaje maji bba daw dula kəmse ndoo tə̂ a, Lubba oo nɛ̂ɛnn kəmɛ̂ tə̂ to nɛ̂n kə̂ maji.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.