Rɔmɛnje 11:7 - Dɔnɔn kə̂ Siki: Tar kə̂ aw arə təbbə

⁷ Yeenn pa nan ddi wa? Nɛ̂n kə̂ Ngann Ijarayɛlje aw sangəje le dingaje ang. A dede kə̂ Lubba mbərəde â dingaje nɛ̂n le. Lubba dda arə mə kəseje kətərə.

Rɔmɛnje 11:7 Iomraidhean Croise

Marke 6:52

Mba nɛ̂n-mɔri kə̂ Jeju dda ddəw mapa tə̂ kə̂ n̂-kayn dəwje le tɔjude marə nɛ̂n kâra ang bbay. Məde nayn aw kətərə.

Luku 13:24

«Maji karə ə-ddaje singa andəje kə ta-ddəw kə̂ ngaji. Mba, m-pa marəse: Dəwje nya a sangəje ddəw ta kandə. A dâ kasəje ang.

Tar kə̂ Maji kə̂ Jan dda makəturu tə̂ 12:40

«Lubba dda arə kəmde oo lo ang. N̂-dda narə məde kətərə, bba karə dooje lo ang, karə n̂-gərəje nɛ̂n ang, bba karə n̂-turu ddəw ləde ang, ngaâ, karə Lubba ajide rɔ-to tə̂ ləde ang.»

Rɔmɛnje 10:3

Mba n̂-gərəje ddəw kə̂ ta ddee nɛ̂n gatə gatə kəm Lubba tə̂ ang. Dede njaa n̂-gɔlje ddəw ləde mba ddee nɛ̂n gatə gatə kəmɛ̂ tə̂. Yeenn bba n̂-mbətəje ddəw kə̂ Lubba gɔl karə dəwje ddeeje nɛ̂n gatə gatə le.

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 11:5

Dɔ ndɔje tə̂ nəənn kara to tokə baann tɔ. Kəsə dəwje nayn tɛn be kə̂ Lubba mbərəde ddəw mə-maji tə̂ laa.

Rɔmɛnje 3:9

Ddi wa? Jee Jiipije juta kəsə dəwje wa? Baann ang! M-tɔju kə ddaka mban to Jiipije ddəm Gɛrɛkəje ddəm dede tɔyn njaa majang ɔn dɔde.

Rɔmɛnje 6:15

Ddi wa? Jeeje kɔ mə-maji tə̂ lə Lubba bbo n-naynje kɔ Ndu tə̂ ang ngaa. Mba yeenn bba, ja ddaje majang wa? Baann ang!

Rɔmɛnje 9:18

Yeenn a, Lubba aw oo kəm-to-ndoo lə dəw kə̂ n̂-ndiki ta koo kəm-to-ndoo laa, dəw kə̂ n̂-ndiki ta dda karə məɛ̂ kətərə a, n̂-dda narə məɛ̂ kətərə.

Rɔmɛnje 9:23

Lubba ndiki ta tɔju piti laa kə̂ bo nya kəsə dəwje, dede kə̂ noo kəm-to-ndoo ləde kə̂ n̂-gɔlde tokə kete mba karə dingaje piti saa.

1 Kɔrɛntinyɛje 10:19

Yeenn mâ ta pa nan ddi wa? Da kə̂ n̂-polo nɛ̂n kɔr to marə nɛ̂n wase kɔr to marə nɛ̂n wa?

2 Kɔrɛntinyɛje 3:14

A ddəw nɛ̂n-gərə ləde utu ngaa. Ndərəng bbokənɛn nəənn, bbo daw turaje makəturu Dɔnɔn kə̂ Ləw le a, tokə nɛ̂n kə̂ ta-kubbu le nayn kə lo-toe bbay, tokə kɔru ang. Mba dəw kə̂ unn məɛ̂ arə Kristə bba ta-kubbu le a kɔru kəmɛ̂ tə̂.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Epɛjinyɛje 4:18

Kəjəje ləde toje to kəjəje kə̂ tuju. Təbbə kə̂ Lubba aw arə dəwje to mbade ang. N̂-gərəje nɛ̂n kâra ang, mba məde kətərə.

Pilipinyɛje 1:18

Yeenn dda nɛ̂n ang. Le daw tɔjuje tar lə Kristə le kə̂ kəjə kə̂ maji ang wase ddəw tar tə̂ kə̂ tɔkɔrɔ ang njaa kara nayn to dila mbər tar lə Kristə darə dəwje mban, minga rɔ-nəəl ddəwe tə̂. Rɔm a nəələm nya ddəwe tə̂ kə ləw.

Ebərəje 12:17

Ə-gərəje kə majɛ̂ to ndərəng a, Ejawu le ndiki karə bɔɛ̂je bbar tar kə̂ maji dɔɛ̂ tə̂, a bɔɛ̂je le mbətə. N̂-sangə tar kə̂ maji le kə maann-nɔn, a ninga ang, mba ninga ddəw ta dda karə bɔɛ̂je le turu ndue ang ngaa.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.