Rɔmɛnje 11:25 - Dɔnɔn kə̂ Siki: Tar kə̂ aw arə təbbə

²⁵ Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 11:25 Iomraidhean Croise

Matiye 13:11

Jeju ilade tə̂ nan: «Sese, darə ə-gərəje tar kɔn-mbay kə̂ darâ kə̂ to tar kə̂ iya rɔɛ̂. A dede, darə n̂-gərəje ang.

Luku 21:24

Dâ tɔlde kə tɔkə kiya, dâ kaw kə de to bbərəje horo dəwje tə̂ kə̂ marə bbeje tə̂ tɔyn ngaâ marə dəwje kə̂ gəlde to Jiipije ang a mbɔynje Jerujalɛm kə gɔlde ndərəng ndɔ kə̂ kar ləde a tunga nɛ̂n.»

Tar kə̂ Maji kə̂ Jan dda makəturu tə̂ 10:16

Marə batəje ləm toje bbay kə̂ eeje mə singa tə̂ nəənn ang. Dede kara, to tar ləm ta ddee kə de. Dâ kooje ndum. Baann bba kusu batəje a to kâra baa ngaâ nje-ngəmde a to kâra baa tɔ.

Rɔmɛnje 1:13

Ngakɔnʼmje, m-ndiki ta karə ə-gərəje to m-gɔl məm tə̂ gɔl banya nya ta kaw rɔse tə̂. A minga ddəw ang ndərəng bbokənɛn. M-ndiki karə kula ləm dda arə ə-sangəje nya bbe ləse, tokə kula ləm kə̂ dda arə kəsə gəl-dəwje sangəje le.

Rɔmɛnje 11:12

Mbal dɔ majang kə̂ ngann Ijarayɛlje ddaje â dəwje kə̂ toje to Jiipije ang ingaje nɛ̂n nɛ̂n kə̂ maji ngaâ koso ləde dda arə dəwje kə̂ toje to Jiipije ang ingaje nɛ̂nje kə̂ maji. Bbo Jiipije tɔyn ooje məde tə̂ kə Jeju a, nɛ̂nje kə̂ maji kə̂ a ddeeje goe tə̂ a bo nya.

Rɔmɛnje 11:24

Sese kə̂ ə-toje to Jiipije ang le ə-toje tokə barkəm kakə olibə kə̂ muû kə̂ n̂-tuka ngaâ tinya kar ye tə̂ kə̂ n̂-dubbu mə ndɔɔ tə̂. Yeenn to nɛ̂n kə̂ asə dda ang, a Lubba dda. Yeenn a, ta təl kə Jiipije kə̂ toje to barkəm olibə kə̂ n̂-dubbu ndɔɔ̂ le turude tə̂ a to nɛ̂n kə̂ ngəng ang.

Rɔmɛnje 12:16

Maji karə ooje ta naan. Lo kula kə̂ bo dɔrɔ â ə-sangəje ang. Ngonn kula kara ə-ddaje. Ooje rɔse to kəmse arɛ̂ nya uta nje-marse ang.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

Rɔmɛnje 9:18

Yeenn a, Lubba aw oo kəm-to-ndoo lə dəw kə̂ n̂-ndiki ta koo kəm-to-ndoo laa, dəw kə̂ n̂-ndiki ta dda karə məɛ̂ kətərə a, n̂-dda narə məɛ̂ kətərə.

1 Kɔrɛntinyɛje 10:1

Ngakɔnʼmje, m-ndiki kole məse dɔ nɛ̂n tə̂ kə̂ inga kajejedede dɔ ndɔ tə̂ lə Mɔyijə. Dede tɔyn njaa mum ɔru nɔnde ngaâ dede tɔyn n̂-gangəje ba-katə.

1 Kɔrɛntinyɛje 12:1

Ngakɔnʼmje, m-ndiki karə ə-gərəje tar dɔ gusuje tə̂ kə̂ Ndil-mə-nda aw arə dəwje le kə majɛ̂.

1 Kɔrɛntinyɛje 2:7

Jaw tɔju kəm-karɛ lə Lubba kə̂ to nɛ̂n kə̂ dum dɔ dəw ngaâ iya rɔɛ̂. Kete bba karə duninya to le, Lubba gɔl kəm-karɛ le tokə kete, ta dda karə jinga nɛ̂n piti laa.

1 Kɔrɛntinyɛje 4:1

Maji karə dəwje oojeje to njê-kulaje lə Kristə, dəwje kə̂ Lubba inya nɛ̂nje kə̂ toje lo-kiyɛ̂ tə̂ jide tə̂ karə n̂-tɔjuje kə ddaka.

Epɛjinyɛje 1:9

Narə n-gərə nɛ̂n kə̂ nayn lo-kiyɛ̂ tə̂ kə̂ n̂-gɔl ta dda kə mə-maji laa njaa baa le ddəw tə̂ lə Kristə.

Epɛjinyɛje 3:9

Narəm ddəw tɔ karə m-tɔju gusu kə̂ n̂-dda nɛ̂n nɛ̂nje kə̂ n̂-gɔl kə̂ toje lo-kiyɛ̂ tə̂ le marə uja kəm dəwje tə̂ kə majɛ̂. Ne Lubba kə̂ n̂-dda nɛ̂nje tɔyn le n̂-ngəm nɛ̂nje kə̂ n̂-gɔl le lo-kiyɛ̂ tə̂ ləw baa.

Epɛjinyɛje 4:18

Kəjəje ləde toje to kəjəje kə̂ tuju. Təbbə kə̂ Lubba aw arə dəwje to mbade ang. N̂-gərəje nɛ̂n kâra ang, mba məde kətərə.

2 Piyɛr 3:8

A ngakɔnʼmje kə̂ m-ndikise nya, marə nɛ̂n to kə̂ ta karə məse oy ang: Kəm Əbbə-dəwje tə̂, ndɔ kâra to tokə bbal doro kâra, a bbal doro kâra to tokə ndɔ kâra.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 10:7

Kar tə̂ kə̂ anjə kə̂ to siri laa to təbbə a, a to ndɔ kə̂ nɛ̂n lə Lubba kə̂ iya rɔɛ̂ a ddee to nɛ̂n kə̂ tɔkɔrɔ tokə Lubba pa tarɛ̂ arə bbərə-kulaje laa kə̂ toje to njê-kilaje mbər tar laa le.»

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»

Apokalisi 7:9

Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.