Rɔmɛnje 11:22 - Dɔnɔn kə̂ Siki: Tar kə̂ aw arə təbbə

²² Maji karə ə-gərə to Lubba to nje-dda maji ddəm nje-gangə sariya kə̂ ngəng ddəm. N̂-gangə sariya kə̂ ngəng dɔ dəwje tə̂ kə̂ mbətəje ta koo məde tə̂ ngaâ n̂-dda səi mə-maji. Bbo ə-nayn ddəw mə-maji tə̂ le ang a, nâ kɔri kə guku tɔ.

Rɔmɛnje 11:22 Iomraidhean Croise

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Tar kə̂ Maji kə̂ Jan dda makəturu tə̂ 15:2

Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.

Tar kə̂ Maji kə̂ Jan dda makəturu tə̂ 8:31

Jeju pa arə Jiipije kə̂ ooje məde tə̂ saa nan: «Bbo ə-naynje ddəw tar tə̂ ləm a, ə-toje to njê-njaje gom tə̂ njaa.

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Rɔmɛnje 11:21

Mba, Jiipije kə̂ toje to barkəm kakə kə̂ tɔkɔrɔ le, Lubba tukade, a əi, bbo aa rɔi ang a, nâ tukai kə ddang tɔ

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

1 Kɔrɛntinyɛje 15:2

Bbo ə-ngəmje Tar kə̂ Maji le kə ddəwe kə̂ m-tɔju nɛ̂n se a, Tar le a kajise. Baann ang a, mə-kunn ləse a to nɛ̂n kə̂ baa.

Galatəje 6:9

Maji karə n-ddaje maji, jarə rɔje nyaje tə̂ ang. Mba bbo juwa jarə ngəng ngaâ karɛ̂ asə a, ja kuja kandɛ̂.

1 Tesalonisinyɛje 3:5

Mba yeenn bba, m-tɔ wurum pin le ngaâ, mula Timɔte karə aw oo tar dɔ mə-kunn tə̂ ləse. M-bbəəl mba karə Əsu in nanse arə kulaje ləje ddee to nɛ̂n kə̂ baa.

1 Tesalonisinyɛje 3:8

Bbasinɛn dɔje ndol, mba aw uwaje arəje ngəng ddəw mə-kâra tə̂ kə̂ ə-ddaje kə Əbbə-dəwje.

Ebərəje 10:23

Maji karə nɛ̂n kə̂ jundaje məje dɔɛ̂ tə̂ ngaâ jaw paje tarɛ̂ kə ddaka le jinyaje ddəwe ang. Mba Lubba kə̂ unn ndue le aw turu ndue ndɔ kâra ang.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

1 Jan 2:19

Dinje horoje tə̂ bba n̂-teeje, a n̂-toje to dəwje ləje ang. Bbo n̂-toje to dəwje ləje a, dâ naynje kə je. N̂-teeje horoje tə̂ kə̂ ddang karə tɔju kə ddaka to dede tɔyn n̂-toje to dəwje ləje ang.

Apokalisi 2:5

Maji karə ole məi dɔ pa-nja tə̂ ləi kə̂ dɔngɔr. Ə-turu məi bbo ə-təl kula-ddai tə̂ kə̂ dɔngɔr le. Bbo baann ang a, mâ ddee rɔi tə̂, ta mâ kɔru nɛ̂n-kunda lambe ləi lo-toe tə̂ kə ddang.