Rɔmɛnje 11:1 - Dɔnɔn kə̂ Siki: Tar kə̂ aw arə təbbə

¹ M-ndiki ta gərə: Lubba turu gire arə dəwje laa ngaa wa? Ndɔ kâra ang! Mba əman kə dɔm njaa m-to ngonn Ijarayɛl tɔ, m-to ngonn-ka Abaraham, dəw kə̂ mə nuju tə̂ lə Bɛnjamɛn.

Rɔmɛnje 11:1 Iomraidhean Croise

Luku 20:16

Nâ ddee tɔl njê-ddaje kula binyə le ngaâ nâ kinya ndɔɔ le ji marə dəwje tə̂ kə̂ dang.» Dəwje kə̂ banya le ooje tar le a, n̂-paje nan: «Maji karə nɛ̂ɛnn ddee tokə baann ang!»

Kulaje 22:3

«M-to Jiipi, dujum Tarsə nangə tə̂ kə̂ Silisi. A n̂-ngəməm Jerujalɛm nəənn. M-ndo nɛ̂n kɔ Gamaleyɛl tə̂ dɔ tar ngəm ndu tə̂ lə kajeje. Munn rɔm tɔyn marə Lubba tokə aw ddaje bbokənɛn nəənn.

Kulaje 26:4

«Jiipije tɔyn gərəje pa-nja ləm kə kasəm baa. N̂-gərəje kisi ləm horo dəwje tə̂ kə̂ bbeê ləm kə kisi ləm Jerujalɛm.

Rɔmɛnje 11:11

M-nduju ta gərə: Koso kə̂ dosoje le dâ kinje ang nyɔm wa? Baann ang! Mbal dɔ majang kə̂ n̂-ddaje â dəwje kə̂ gəlde toje to Jiipije ang ingaje nɛ̂n kaji. Lubba dda baann karə mə dda ngann Ijarayɛlje.

Rɔmɛnje 3:4

Baann ang! Maji karə dəwje gərəjə kə majɛ̂ to Lubba aw pa tar kə̂ tɔkɔrɔ. A dəwje tɔyn aw ərəje ngəm. Mba yeenn bba Makəturu lə Lubba pa nan: «Maji karə dəwje gərəje to ə-to gatə gatə ddəw tar tə̂ kə̂ aw pa. Ta bbo dâ ta gangə sariya dɔi tə̂ a, tar uwai ang.»

Rɔmɛnje 9:3

Kə̂ məm tə̂, m-ndiki karə əman njaa Lubba ubbu nɛ̂n arəm ngaâ ɔrum kə ddang ji Kristə tə̂ mba tar kaji lə ngakɔnʼmje kə̂ gəlje kâra baa.

2 Kɔrɛntinyɛje 11:22

N̂-toje to Ebərəje, a əman kara m-to Ebərə tɔ. N̂-toje to dəwje kə̂ Ijarayɛl, a əman kara m-to dəw kə̂ Ijarayɛl tɔ. N̂-toje to ngaka Abaraham, a əman kara m-to ngoka Abaraham tɔ.

Pilipinyɛje 3:5

Dujum ngaâ m-dda ndɔ jijoo a, dujam ganja. M-to dəw kə̂ Ijarayɛl, dəw kə̂ gəl Bɛnjamɛn tə̂. M-to Ebərə, njê-kujumje to Ebərəje. Maw ngəm ndu lə Mɔyijə tokə Parijinyɛ njaa.