Rɔmɛnje 10:6 - Dɔnɔn kə̂ Siki: Tar kə̂ aw arə təbbə

⁶ A ta ddee gatə gatə ddəw mə-kunn tə̂ le, n̂-pa tarɛ̂ nan: Maji karə ə-pa tar nəənn məi tə̂ ang: «Nân bba a kin kaw darâ wa?» Bbo ə-pa baann a, nayn to a ta kaw kuwa Kristə darâ ddee saa nangə̂.

Rɔmɛnje 10:6 Iomraidhean Croise

Tar kə̂ Maji kə̂ Jan dda makəturu tə̂ 6:33

Mba, mapa lə Lubba to ye kə̂ in darâ ngaâ aw arə təbbə dəwje kə̂ duninya tə̂.»

Tar kə̂ Maji kə̂ Jan dda makəturu tə̂ 6:38

Tɔkɔrɔ njaa, min darâ m-ddee ta dda nɛ̂n kə̂ mə dəw kə̂ ulam ndiki, bbo nɛ̂n kə̂ məm ndiki â m-ddee ta dda ang.

Tar kə̂ Maji kə̂ Jan dda makəturu tə̂ 6:58

Mapa kə̂ in dara ddee â nəənn: To ddəw kâra baa kə mapa kə̂ kasese usaje le ang. Dede doyje, a bbo dəw usa mapa nəənn le a, nâ nayn kə təbbə kə ndɔ kə ndɔ.»

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 3:25

Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

Rɔmɛnje 4:13

Lubba pa arə Abaraham kə ngakɛɛ̂jê nan, na karəde nangə nəənn to ləde. Mba nɛ̂n kə̂ Abaraham dda kə turu Ndu Lubba bba Lubba unn nɛ̂n ndue baann ang. Nunn ndue baann mba mə-kunn lə Abaraham. Mba yeenn bba, Lubba ooe nɛ̂n to dəw kə̂ gatə gatə.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.