Rɔmɛnje 10:2 - Dɔnɔn kə̂ Siki: Tar kə̂ aw arə təbbə

² Tɔkɔrɔ, masə kɔru naji ləm, mba bbo dda kula lə Lubba to məde tə̂ nya njaa, a n̂-ddaje kula le ddəw nɛ̂n-gərə tə̂ ang.

Rɔmɛnje 10:2 Iomraidhean Croise

Tar kə̂ Maji kə̂ Jan dda makəturu tə̂ 16:2

Dâ tubbase kəy mbɔn-naanje tə̂. Kar aw ddee karə dəw kə̂ tɔlse a, əjə to polo â naw polo Lubba.

Kulaje 21:20

Dəwje kə̂ ooje tar lə Pɔl ɔsuje gaji Lubba ngaâ paje arɛ̂ nan: «Oo, ngokɔnje, Jiipije nya nya ooje məde tə̂ ngaâ daw ngəmje Ndu lə Mɔyijə kə majɛ̂ njaa.

Kulaje 21:28

N̂-paje kə taar nan: «Ngann Ijarayɛlje, ə-ddeeje bbo! Ne le â nar nəənn! Dəw kə̂ aw tɔju nɛ̂n dəwje tɔyn loje tə̂ tɔyn mbətə nɛ̂n dəwje ləje ddəm Ndu lə Mɔyijə ddəm kəy-polo Lubba ddəm le. Gɛrɛkəje kara n̂-ddee kə de kəy-polo Lubba tə̂ nəənn narə lo nəənn kə̂ maji tɔyn le ddee to lo kə̂ maji ang.»

Kulaje 22:22

Jiipije ooje tar laa ndərəng teeje dɔ tar tə̂ənn a, uruje əkii nan: «Ə-tɔlje dingaw nəənn kə ddang! Maji karə n̂-nayn kəm baa ang!»

Kulaje 22:3

«M-to Jiipi, dujum Tarsə nangə tə̂ kə̂ Silisi. A n̂-ngəməm Jerujalɛm nəənn. M-ndo nɛ̂n kɔ Gamaleyɛl tə̂ dɔ tar ngəm ndu tə̂ lə kajeje. Munn rɔm tɔyn marə Lubba tokə aw ddaje bbokənɛn nəənn.

Rɔmɛnje 10:1

Ngakɔnʼmje, nɛ̂n kə̂ m-ndiki nya ngaâ maw duju Lubba mbɛɛ̂, to karə ngann Ijarayɛlje ingaje kaji.

Rɔmɛnje 10:3

Mba n̂-gərəje ddəw kə̂ ta ddee nɛ̂n gatə gatə kəm Lubba tə̂ ang. Dede njaa n̂-gɔlje ddəw ləde mba ddee nɛ̂n gatə gatə kəmɛ̂ tə̂. Yeenn bba n̂-mbətəje ddəw kə̂ Lubba gɔl karə dəwje ddeeje nɛ̂n gatə gatə le.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

2 Kɔrɛntinyɛje 8:3

Kəmʼm tə̂ njaa, darəje nɛ̂nje kə̂ asə gude, darəje darə uta dɔɛ̂ kə mə-ndiki ləde njaa.

Galatəje 1:14

Karɛ̂ tə̂ənn le ngamarəm Jiipije kə̂ bbaləm kə de asə naan, mutade tɔyn ddəwe tə̂, mba munn rɔm tɔyn ta ngəm nɛ̂n-ji-bbeje lə kajeje.

Galatəje 4:15

Yeenn a, rɔ-nəəl ləse to dda wa? Mɔru naji ləse m-pa nan: Bbo ddəw kɔru kandə kəmse karəm to a le â kɔruje karəm.

Pilipinyɛje 1:9

Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.

Pilipinyɛje 3:6

Bbo dda kula lə Lubba to məm tə̂ nya arə m-dda singa kə Egilisi nya. Tar to dɔm tə̂ ang, mba maw dda nɛ̂nje kə̂ gatə gatə ddəw ndu tə̂.

Kolosinyɛje 4:13

Mɔru naji lə Epaparas marəse to naw noo ndoo nya mba tar ləse ddəm mba njê-mə-kunnje kə̂ Lawodise ddəm mba njê kə̂ Iyerapolis ddəm.