Rɔmɛnje 10:17 - Dɔnɔn kə̂ Siki: Tar kə̂ aw arə təbbə

¹⁷ Yeenn a, mə-kunn ddee ddəw tar tə̂ kə̂ dəw aw oo, tar le to tar lə Kristə.

Rɔmɛnje 10:17 Iomraidhean Croise

Marke 4:24

Jeju pa arəde bbay nan: «Ooje tar nəənn kə majɛ̂. Nɛ̂n kə̂ unnje ɔjuje nɛ̂n nɛ̂n a, Lubba a kunn kɔju nɛ̂n nɛ̂n karəse tɔ, dâ kila marɛ̂ dɔɛ̂ tə̂ karəse.

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Luku 8:11

Gusu-tar nəənn le, gəle tokə be: «Kandə-ko le to tar lə Lubba.

Luku 8:21

A nilade tə̂ nan: «Kɔnʼmje kə ngakɔnʼmje â toje to nje kə̂ ooje tar lə Lubba, a ddaje nɛ̂n kula.»

Tar kə̂ Maji kə̂ Jan dda makəturu tə̂ 1:37

Njê-njaje go Jan tə̂ kə̂ joo le ooje tar le ngaâ unnje go Jeju.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 10:14

Bbo dəwje ooje məde tə̂ kə Əbbə-dəwje ang a, dâ bbarɛ̂je tokə baânn wa? Bbo dəw ila mbər tar laa arə dooje ang a, dâ kunnje məde tokə baânn wa? Ngaâ bbo nje-pa tar laa karəde goto a, dâ kooje tar laa tokə baânn wa?

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

Galatəje 3:2

M-ndiki karə tar nəənn njaa ilamje tə̂: Ngəm kə̂ ə-ngəmje Ndu lə Mɔyijə â ingaje nɛ̂n Ndil-mə-nda wase mə-kunn â ingaje nɛ̂n Ndil-mə-nda le wa?

Galatəje 3:5

Lubba kə̂ arəse Ndil ngaâ aw dda nɛ̂n-mɔrije horose tə̂ le aw dda mba Ndu lə Mɔyijə kə̂ aw ngəmje wase mba mə-kunn wa?

Kolosinyɛje 3:16

Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

Ebərəje 4:2

Mba ndu Lubba kə̂ unn ngaâ dila mbəre darə kajejedede le dila mbəre darəje tɔ. A Tar kə̂ Maji nəənn kə̂ dooje le dda marə nɛ̂n kâra rɔde tə̂ ang, mba dəwje kə̂ ooje tar le ooje nɛ̂n məde tə̂ ang ddəm.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.