Rɔmɛnje 10:16 - Dɔnɔn kə̂ Siki: Tar kə̂ aw arə təbbə

¹⁶ A dəwje tɔyn â taaje Tar kə̂ Maji le ang. Ddəw kâra baa tokə Ejayi pa nan: «Əbbəmje, nân bba ndiki tə̂ kə tar kə̂ jila mbəre le wa?»

Rɔmɛnje 10:16 Iomraidhean Croise

Matiye 13:14

Yeenn bba, tar lə Lubba kə̂ Ejayi kə̂ to nje-kila mbər tar laa pa dɔde tə̂ le ddee nɛ̂n to tar kə̂ tɔkɔrɔ. Tar le nan: ‹A kooje tar kə majɛ̂, a â gərəje kandɛ̂ ang, a kaaje lo kə majɛ̂ a, a kooje nɛ̂n ang.

Tar kə̂ Maji kə̂ Jan dda makəturu tə̂ 10:26

A ooje məse tə̂ ang, mba eeje horo batəje tə̂ ləm ang.

Kulaje 28:24

Marɛ̂je ndikije tə̂ kə tar kə̂ naw pa le, a marɛ̂je mbətəje.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 11:17

Ngann Ijarayɛlje toje tokə kakə olibə kə̂ maji kə̂ n̂-dubbu ndɔɔ̂, kə̂ n̂-tuka marə barkəmɛ̂je. A əi, ə-to tokə barkəm olibə kə̂ muû, kə̂ dunn dɔsu turu ye tə̂ kə̂ maji le. Bbasinɛn, nɛ̂nje kə̂ maji kə̂ ngann Ijarayɛlje aw ingaje, əi aw inga tɔ, tokə barkəm kakə kə̂ dɔsu kar marɛ̂ tə̂ aw inga singa ddəw ngira kakə tə̂ le.

Rɔmɛnje 16:26

Nɛ̂n kə̂ to lo-kiyɛ̂ tə̂ le bbasinɛn tee lo-karɛ tə̂ ddəw makəturuje tə̂ lə njê-kilaje mbər tar lə Lubba. Lubba kə̂ nje-kisi kə ndɔ kə ndɔ unn ndu tokə baann karə gəl-dəwje tɔyn ooje məde tə̂ saa ngaâ ooje tɛɛ̂.

Rɔmɛnje 2:8

A njê kə̂ ddaje dɔ-kətərə saa, mbətəje tar kə̂ tɔkɔrɔ ngaâ aw ddaje bbərə lə nɛ̂n kə̂ gatə gatə ang, Lubba a karə wungu laa kə̂ to bbəəl nya oso dɔde tə̂.

Rɔmɛnje 3:3

Tɔkɔrɔ njaa, marɛ̂je horode tə̂ ngəmje mə-kunn ləde ang. A yeenn â, a dda karə Lubba tusu nɛ̂n nɛ̂n kə̂ nunn ndue ta dda le ninya wa?

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

Galatəje 3:1

See dəwje kə̂ Galasi, mbə ddi â ə-mbəje be wa? N̂-tɔjuse tar koy lə Jeju-Kristə kakə-dəsə tə̂ kə majɛ̂, a nân bba n̂-turu kəmse wa?

Galatəje 5:7

Dɔngɔr, aw ddaje nɛ̂n kə majɛ̂. A nân bba gangəse ddəwe tə̂ ngaâ ɔkuse ddəw karə ə-ddaje nɛ̂n ddəw tar tə̂ kə̂ tɔkɔrɔ wa?

2 Tesalonisinyɛje 1:8

Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

Ebərəje 11:8

Ddəw mə-kunn tə̂ â Abaraham oo ta Lubba kə̂ bbarɛ̂ ngaâ ɔtu aw nangə tə̂ kə̂ Lubba a ta karɛ̂ to laa. Naw njaa baann, bbo n̂-gərə lo kə̂ naw naw tə̂ le ang.

Ebərəje 4:2

Mba ndu Lubba kə̂ unn ngaâ dila mbəre darə kajejedede le dila mbəre darəje tɔ. A Tar kə̂ Maji nəənn kə̂ dooje le dda marə nɛ̂n kâra rɔde tə̂ ang, mba dəwje kə̂ ooje tar le ooje nɛ̂n məde tə̂ ang ddəm.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 2:8

Makəturu le pa bbay nan: «To ər kə̂ dəwje aw tukaje gɔlde tə̂ ddəm tɔkə ər kə̂ aw dda arə dəwje aw tosoje ddəm.» Daw tukaje gɔlde tə̂, mba n̂-mbətəje ta koo məde tə̂ kə tar lə Lubba. Yeenn to nɛ̂n kə̂ Lubba gɔl mbade njaa.

1 Piyɛr 3:1

See dɛnɛ̂nje, sese kara maji karə ooje ta ngawsese. Yeenn bba karə, bbo marɛ̂je horode tə̂ mbətəje ta koo məde tə̂ kə Lubba kara, pa-nja ləse njaa a dda karə dooje məde tə̂ bbo â paje tar lə Lubba karəde ang ngaa,