Rɔmɛnje 10:15 - Dɔnɔn kə̂ Siki: Tar kə̂ aw arə təbbə

¹⁵ Bbo dula dəw karə ila mbər tar laa ang a, dəw le a pa tar laa tokə baânn wa? Ddəw kâra baa tokə Makəturu lə Lubba pa tɔ nan: To nɛ̂n kə̂ kura nya ta koo dəwje kə̂ ddeeje kə Tar kə̂ Maji.

Rɔmɛnje 10:15 Iomraidhean Croise

Matiye 9:38

Maji karə ə-dujuje nje-ndɔɔ le arə nula marə njê-kulaje bbay ta kula tə̂ le.»

Luku 10:1

Goe tə̂ a, Əbbə-dəwje təl tɔru njê-njaje goe tə̂ dɔsiri gire joo horo marɛ̂je tə̂. Nulade joo joo nɔɛ̂n tə̂ kete karə dawje mə bbeje tə̂ kâra kâra kə loje tə̂ tɔyn kə̂ ne njaa n̂-ndiki ta kaw tə̂.

Luku 2:10

Anjə le pa arəde nan: «Ə-bbəəlje ang, mba m-ddee ta ndaji tar kə̂ maji kə̂ a karə rɔ-nəəl dəwje tɔyn karəse.

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Luku 8:1

Goe tə̂ a, Jeju nja tɔkə bbeje tə̂ kə ngann bbeje tə̂, aw pa tar lə Lubba ngaâ aw ila mbər Tar kə̂ Maji dɔ kɔn-mbay tə̂ lə Lubba. Njê-kaw-kulaje laa kə̂ dɔku gire joo awje saa ddəm

Tar kə̂ Maji kə̂ Jan dda makəturu tə̂ 20:21

Jeju təl pa arəde bbay nan: «Mə-wul-lɔm ee kə se. Ddəw kâra baa tokə Bɔy ulam le, əman kara mulase tɔ.»

Kulaje 10:36

Nula kə tar laa narə ngann Ijarayɛlje, to Tar kə̂ Maji kə̂ arə mə-wul-lɔm ddəw tə̂ lə Jeju-Kristə kə̂ to Əbbə-dəwje tɔyn.

Kulaje 13:26

Ngakɔnʼmje, sese kə̂ gəl Abaraham tə̂ kə see kəseje kə̂ aw bbəəlje Lubba, maji karə ə-gərəje to Lubba ula kə tar kaji nəənn ɔju dɔje.

Kulaje 22:21

A Əbbə-dəwje le pa arəm nan: ‹Aw, mba mâ kulai ddəw əw horo dəwje tə̂ kə̂ toje to Jiipije ang.› »

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 1:15

Mba yeenn bba, mee kə bbo ta kila mbər Tar kə̂ Maji nəənn karəse, sese kə̂ eeje Rɔm tɔ.

Rɔmɛnje 15:20

Nɛ̂n kə̂ nəələm to lo kə̂ dəwje gərəje Kristə tə̂ ang bba m-ndiki ta kila mbər Tar kə̂ Maji le tə̂, mba m-ndiki ta kunn ta kula kə̂ dəw kə̂ dang â unda gɔlɛ̂ nangə̂ ang.

Epɛjinyɛje 2:17

Kristə ddee ta kila mbər Tar kə̂ Maji kə̂ ɔju dɔ kisi kə mə-wul-lɔm karəse, sese kə̂ eeje ddəw əw kə Lubba ddəm karə dəwje kə̂ eeje saa ngɔsi ddəm.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Epɛjinyɛje 6:15

ngaâ arəje bbo tɔju Tar kə̂ Maji kə̂ aw arə mə-wul-lɔm to rɔse tə̂ tokə nɛ̂n-gɔl kə̂ dəw ula.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.