Rɔmɛnje 1:9 - Dɔnɔn kə̂ Siki: Tar kə̂ aw arə təbbə

⁹ Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 1:9 Iomraidhean Croise

Marke 1:1

Kunn-kutu Tar kə̂ Maji kə̂ dɔ Jeju-Kristə Ngonn lə Lubba tə̂ â nəənn.

Luku 18:1

Jeju pa marə gusu-tar arə njê-njaje goe tə̂ ta tɔju nɛ̂n de to, to maji nya ta duju Lubba kə ndɔje tɔyn ddəm kə rɔ-nya ang ddəm.

Kulaje 12:5

Piyɛr ee kəy-kula tə̂, a njê-mə-kunnje aw dujuje Lubba til kə kar mbɛɛ̂.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 24:14

Nɛ̂n kə̂ m-gərə goe â nəənn: Maw polo Lubba lə kajeje kə ‹ddəw› kə̂ siki. Əman le m-ndiki tə̂ kə nɛ̂n tɔyn kə̂ n̂-dda Makəturu-Ndu tə̂ kə nɛ̂n tɔyn kə̂ njê-kilaje mbər tar lə Lubba paje njaa. A dede n̂-paje nan to ‹ddəw› kə̂ to kə dɔgɔlɛ̂ ang.

Kulaje 27:23

Til tə̂ nəənn, Lubba kə̂ m-to dəw laa ngaâ maw pole arə marə anjə laa tee ingam,

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Rɔmɛnje 9:1

Ddəw mə-kâra tə̂ kə̂ m-dda kə Kristə le, tar kə̂ tɔkɔrɔ â maw pa bbo mərə ngəm ang. Ndil-mə-nda ɔn dɔm arə kəjə ləm tɔjum to maw pa tar kə̂ tɔkɔrɔ.

2 Kɔrɛntinyɛje 1:23

Kəm Lubba tə̂, m-pa tar kə̂ tɔkɔrɔ marəse. Bbo mərə ngəm a, narə moy kə ddang. M-təl maw Kɔrɛntə ang, mba m-ndiki ta kula kəmse ndoo tə̂ ang.

2 Kɔrɛntinyɛje 11:31

Lubba kə̂ Bɔ Əbbə-dəwje Jeju, kə̂ dəwje aw piteje kə ndɔ kə ndɔ gərə to maw mərə ngəm ang.

Galatəje 1:20

Tar kə̂ maw dda makəturu tə̂ marəse nəənn, maw pa kəm Lubba tə̂, to ngəm ang.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Pilipinyɛje 1:3

Kar tɔyn njaa bbo maw məjə tar ləse a, maw marə wooyo Lubba ləm.

Pilipinyɛje 1:4

Kar tɔyn njaa bbo maw duju Lubba mba tar ləse tɔyn a, maw duje kə rɔ-nəəl nya,

Pilipinyɛje 2:22

A ne Timɔte le ə-gərəje pa-nja laa kə majɛ̂. Nunn rɔɛ̂ nila kula tɔju Tar kə̂ Maji tə̂ səm tokə lə ngonn kə̂ aw uman bɔɛ̂je.

Pilipinyɛje 3:3

Jeje â juja ganja kə̂ tɔkɔrɔ, mba jaw poloje Lubba ddəw Ndil tə̂ laa, jaw junda guje ddəw tə̂ lə Jeju-Kristə ngaâ junda məje kə dɔ rɔje tə̂ njaa ang.

1 Tesalonisinyɛje 1:2

Jaw jarə wooyo Lubba kə ndɔ tɔyn mbase ngaâ kar kə̂ jaw duju Lubba a, jaw duje mbase tɔ.

1 Tesalonisinyɛje 3:10

Til kə kar, jaw duju Lubba nya karə ɔru ddəw arə jaw joose, bba karə ingaje nɛ̂n kə̂ du mə-kunn tə̂ ləse.

1 Tesalonisinyɛje 5:17

maji karə ə-dujuje Lubba kə kar tɔyn

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

Pilemɔn 1:4

Kar kə̂ maw duju Lubba a, maw mila rii tə̂ ngaâ maw marɛ̂ wooyo mbai kə ndɔ tɔyn.